نۇر-سۇلتان قالاسىندا 21 تامىز بەن 31 قازان ارالىعىندا ءار سەنبى جانە جەكسەنبى كۇندەرى وڭىرلىك اۋىل شارۋاشىلىعى جارمەڭكەلەرى وتەدى. ولار «حان شاتىر» سوو جانىنداعى الاڭدا, تۇران داڭعىلى مەن د.قوناەۆ كوشەسىنىڭ قيىلىسىندا ورنالاسادى.
جارمەڭكەدە وڭىرلەردەگى تاۋار وندىرۋشىلەردىڭ ازىق-تۇلىگى تىكەلەي, دەلدالدارسىز ساتىلاتىن بولادى. ءداستۇرلى تۇردە جارمەڭكەنى 21 تامىز كۇنى تۇركىستان وبلىسىنىڭ تاۋار وندىرۋشىلەرى اشادى. تۇركىستاننىڭ 50-گە جۋىق اۋىل شارۋاشىلىعى ءوندىرۋشىسى ەلورداعا 500 توننادان استام ءونىم اكەلەدى. ونىڭ ىشىندە 99 توننا ەت جانە ەت ءونىمى, 75 توننا ءسۇت ءونىمى, 152 توننا كوكونىس, 21 توننا جەمىس-جيدەك, 23 توننا كارتوپ, 20 مىڭ دانا تاۋىق جۇمىرتقاسى, 11 توننا بالىق, 2 توننا بال, 31 توننا كەپتىرىلگەن جەمىس پەن ءتۇرلى كونسەرۆىلەر, 8 توننا باسقا ونىمدەر.
قىركۇيەك جانە قازان ايلارىندا ەلورداعا ەلىمىزدىڭ تۇكپىر-تۇكپىرىنەن بارلىق تاۋار وندىرۋشىلەر كەلەدى.
جارمەڭكەلەردى وتكىزۋ تۋرالى قوسىمشا اقپاراتتى نۇر-سۇلتان قالاسى ينۆەستيتسيالار جانە كاسىپكەرلىكتى دامىتۋ باسقارماسىنان 556978, 556899 تەلەفون نومىرلەرى بويىنشا الۋعا بولادى. ەستەرىڭىزگە سالا كەتەيىك, جارمەڭكەلەردى وتكىزۋ كەزىندە جۇرتشىلىق سانيتارلىق نورمالاردى قاتاڭ ساقتاۋى ءتيىس.
