ۇكىمەت ۇيىندە وتكەن وتىرىستا ءبىرىنشى جارتىجىلدىقتاعى ەلىمىزدىڭ الەۋمەتتىك-ەكونوميكالىق دامۋىنىڭ قورىتىندىلارى جاريالاندى. ۇلتتىق ەكونوميكا ءمينيسترى تيمۋر سۇلەيمەنوۆ 2018 جىلدىڭ العاشقى جارتىسىندا ءجىو-ءنىڭ ءوسىمى 4,1 پايىزدى قۇراعانىن مالىمدەدى. ونىڭ ايتۋىنشا, ينفلياتسيا دەڭگەيى سوڭعى ءۇش جىلداعى ەڭ تومەنگى كورسەتكىشكە جەتىپ, جىل باسىنان بەرى 2,6 پايىزدى قۇرادى.
ينفلياتسيالىق ۇدەرىستەردىڭ باسەڭدەۋى مەن ينۆەستيتسيالىق بەلسەندىلىكتىڭ ارتۋى باس قالانىڭ ەكونوميكاسىنا دا جاعىمدى ىقپال ەتۋدە. استانا اكىمى اسەت يسەكەشەۆ ەلوردا ەكونوميكاسىنىڭ نەگىزگى ءۇش تىرەگى – بۇقارالىق كاسىپكەرلىكتى دامىتۋعا, ادام كاپيتالىنىڭ جاڭا ساپاسىنا جانە جەكەمەنشىك ينۆەستيتسيالارعا ارقا سۇيەيتىنىن اتاپ ايتتى. «جوعارى ءومىر ءسۇرۋ دەڭگەيىمەن قاتار, قالا ءۇشىن ەكونوميكانىڭ ماڭىزى زور. ول تولىققاندى مەحانيزم بولۋى ءتيىس. قالا ءار ادامعا جوعارى تابىس تابۋىنا, تالانتتاردى, كاسىپكەرلەردى جانە ينۆەستورلاردى تارتۋعا مۇمكىندىك تۋعىزۋى قاجەت» دەدى اسەت ورەنتايۇلى جىبەك جولى ەلدەرى قالالارى مەرلەرىنىڭ فورۋمىندا سويلەگەن سوزىندە.
قالا باسشىسى ەلوردانىڭ وڭىرلىك جالپى ءونىمى 17,7 ملرد دوللار دەڭگەيىنە جەتكەنىن, ناقتى ايتقاندا, 5,5 ەسەگە وسكەنىنە ەكپىن ءتۇسىردى. 20 جىلدا قالاعا تارتىلعان ينۆەستيتسيالاردىڭ جيىنتىق كولەمى 47,7 ملرد (8,3 ترلن تەڭگە) دوللاردى قۇراعان. وتكەن جىلى ينۆەستيتسيالار كولەمى رەكوردتىق 2,9 ملرد دوللارعا جەتتى. سونىڭ ىشىندە 600 ملن دوللارعا جۋىعى – تىكەلەي شەتەلدىك ينۆەستيتسيالار, 90 پايىزى – بيۋدجەتتەن تىس (جەكەمەنشىك جانە قارىز قاراجات) ينۆەستيتسيالار. «20 جىلدا ەلوردا ەكونوميكاسىنىڭ تولىققاندى قۇرىلىمى قالىپتاستى. ونىڭ ونىمدەرىنىڭ كولەمى 12,6 ملرد دوللاردى قۇرادى. قالا ءجوو-ءنىڭ قۇرىلىمىنداعى شاعىن جانە ورتا بيزنەستىڭ ۇلەسى 57,4 پايىزدان استى. بۇل كورسەتكىش قازاقستانداعى وڭىرلەر اراسىنداعى ەڭ جوعارعىسى بولىپ تابىلادى» دەپ اتاپ ءوتتى اكىم.
