باس قالاداعى «جاس سارباز» قوزعالىسىنىڭ تاربيەلەنۋشىلەرى اسكەري دارىگەرلەرگە ازىق-تۇلىك جيىنتىعىن سىيلادى.
بۇل شارا قازاقستان رەسپۋبليكاسى ءتاۋەلسىزدىگىنىڭ 30 جىلدىعىنا ورايلاستىرىلىپ وتكىزىلدى. «جاس ساربازدار» اسكەري دارىگەرلەرگە «جۇرەكتەن جۇرەككە» شاراسى اياسىندا 30 ازىق-تۇلىك پاكەتىن تابىستادى. قايىرىمدىلىق ءىس-شارا قازاقستان قارۋلى كۇشتەرىنىڭ اسكەري-پاتريوتتىق ورتالىعى مەن «ماگنۋم» ساۋدا ورتالىعىنىڭ قولداۋىمەن ۇيىمداستىرىلدى.
«مۇنداي اكتسيالار ءبىرىنشى رەت وتكىزىلىپ وتىرعان جوق. كارانتين كەزىندە ۆيرۋستىڭ تارالۋىن بولدىرماۋ ءۇشىن جانقيارلىقپەن جۇمىس جاساپ جۇرگەن دارىگەرلەرگە بارىنشا قولداۋ كورسەتۋ – ءبىزدىڭ پارىزىمىز. «جاس سارباز» قوزعالىسىنىڭ مۇشەلەرى وسىنداي قايىرىمدىلىق جاساۋدان جالىقپايدى جانە بارلىق قامقور ادامداردى ورتاق ىسكە قوسىلۋعا شاقىرادى» دەيدى «جاس سارباز» بالالار مەن جاسوسپىرىمدەر اسكەري-پاتريوتتىق قوزعالىسى رەسپۋبليكالىق قاۋىمداستىعىنىڭ نۇر-سۇلتان قالالىق فيليالىنىڭ توراعاسى اسحات نالشىبەك.
