قالا كۇنى قارساڭىندا قالا اكىمشىلىگىنىڭ ۇيىمداستىرۋىمەن قالالىق احاج ءبولىمى ەلوردالىق 40-قا جۋىق جۇپتىڭ سالتاناتتى نەكە قيۋ ءراسىمىن وتكىزدى.
باسىنا شاڭىراق كوتەرىپ, باۋىرىنا قازان اسقىسى كەلەتىن جاس جۇبايلاردىڭ نەكە قياتىن كۇنىن ادەتتە ەرەكشە ەستە قالاتىن ماڭىزدى كۇندەرگە تۋرالايتىنى بەلگىلى. نۇر-سۇلتان جاستارى ءۇشىن سونداي ماڭىزدى كۇندەردىڭ ءبىرى قالا كۇنى دەسەك, بيىل دا بۇل كۇندە نەكە قيعىزعان جاستاردىڭ قۋانىشىندا شەك جوق. «نەكە قيۋ كۇنىمىزدى ادەيى قالا كۇنىنە تۋرالادىق. سەبەبى ءبىز ەلوردانىڭ ءتول قۇرداستارى بولعاندىقتان, ومىردەگى ۇمىتىلماس ءساتىمىزدى دە وسى كۇنمەن بايلانىستىرعىمىز كەلدى» دەدى
ءماديار مەن تاڭشولپان ءوز قۋانىشتارىمەن ءبولىسىپ. قالا اكىمشىلىگىنىڭ ۇيىمداستىرۋىمەن وتكەن بۇل شارادا كۇمىس كومەي انشىلەر مەن التىن ساۋساق كۇيشىلەر ءان مەن كۇيدەن شاشۋ شاشىپ, سالتاناتتى شارانىڭ ءسانىن اسىردى.
ايتا كەتەيىك, قالا كۇنى قۇرمەتىنە ارنالعان سالتاناتتى نەكە قيۋ ءراسىمى ەلوردادا 2007 جىلدان باستاپ وتكىزىلىپ كەلەدى. سودان بەرى وسى ءىس-شارا اياسىندا 400 جاس جۇبايدىڭ نەكەسى قيىلىپ, ولاردىڭ اق ماحابباتتارىنىڭ كۋاسى بولعان 900-دەن استام ءسابي دۇنيەگە كەلدى.
