ەلوردانىڭ سارىارقا اۋدانىنداعى ءا.مولداعۇلوۆا كوشەسىندە «جاستار» گۇل باعى اشىلدى. ول اپاتتى جاعدايدا تۇرعان بەس قاباتتى عيماراتتىڭ ورنىنان بوي كوتەردى.
سارىارقا اۋدانى اكىمىنىڭ ايتۋىنشا, گۇل باققا 200-دەن استام اعاش وتىرعىزىلىپ, كولەمى 1,4 گا بولىپ ۇلعايدى. قالا تۇرعىندارىنىڭ بەلسەندى دەمالۋى ءۇشىن بۇل جەرگە سپورتتىق جانە ويىن الاڭدارى سالىنعان, وسىناۋ يگى شارا قازاقستانداعى جاستار جىلىنا ورايلاستىرىلعان.
– بۇل اۋداندا 2000 ادام تۇرادى, ونىڭ ىشىندە 400-دەن استامى – بالا. بۇرىن بۇل جەردە 5 قاباتتى, اپاتتى جاعدايداعى ەسكى ءۇي بولعان ەدى, ونى سۇرگەننەن كەيىن جاستارعا ارنالعان دەمالىس ورنىن سالۋ تۋرالى شەشىم قابىلداندى. جاقىن جەردە س.سەيفۋللين اگرارلىق ۋنيۆەرسيتەتى بار, وندا 15 مىڭ ستۋدەنت وقيدى, – دەيدى سارىارقا اۋدانىنىڭ اكىمى ەرعالي ەگەمبەردى. گۇلباقتىڭ اشىلۋ سالتاناتىندا «شابىت» حالىق ءانسامبلىنىڭ ارتىستەرى كونتسەرت قويدى.
