بايتەرەك مونۋمەنتىنىڭ جانىندا «رۋحاني جاڭعىرۋ» رەسپۋبليكالىق جاستار شاراسى ءوتتى.
ەلباسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسى اياسىندا «رۋحاني جاڭعىرۋ» اۋقىمدى اكتسياسى باستالىپ كەتتى. 22 قىركۇيەككە دەيىن جالعاساتىن شارانىڭ جابىلۋ سالتاناتى ماڭعىستاۋ قالاسىندا وتەدى. ال ازىرگە ەلىمىزدىڭ 15 وڭىرىندە ءتورت ءتۇرلى باعىت بويىنشا كەشەندى باعدارلاما ازىرلەنىپ وتىر. ماقسات – جاستاردىڭ رۋحاني جاڭعىرۋ قاعيداتتارىنا قىزىعۋشىلىعىن وياتۋ.
شارا اياسىندا 7 كۇن بويى ەلىمىزدىڭ وبلىس جانە اۋدان ورتالىقتارىندا, قالالار مەن اۋىلداردا ءبىلىم, اسار, تاعزىم, ونەر باعىتتارى بويىنشا ءىس-شارالار ۇيىمداستىرىلادى. تارقاتىپ ايتساق, «ءبىلىم» باعىتىندا – ەلباسى ماقالاسى مەن ەلىمىزدىڭ تاريحى تۋرالى سۇراقتار قويىلىپ, دەباتتار وتكىزىلەدى, «اسار» – مۇقتاج جاندارعا, زەينەتكەرلەرگە, ەگدە جاستاعى جالعىزباستى قاريالارعا, سونداي-اق بالالار ۇيلەرىنە كومەك قولىن سوزۋ, بالالار الاڭدارىن جوندەۋ سياقتى قايىرىمدى ءىستى باستايدى. «تاعزىم» دەگەنىمىز – كوپشىلىك جۇرەتىن ورىنداردى, ماسەلەن, سۋ ارنالارىن تازارتۋ جانە كوشەنى اباتتاندىرۋ, اعاش وتىرعىزۋ سياقتى يگى ىستەرگە شاقىرادى. ال «ونەر» باعىتى بويىنشا بارلىق وڭىرلەردە مادەنيەت وكىلدەرىنىڭ قاتىسۋىمەن جاستار فەستيۆالى وتپەك. ەلوردادا وتەتىن شاراعا 1000-نان استام جاس قاتىسادى دەپ جوسپارلانۋدا.
شارا سوڭىندا جاستار «رۋحاني جاڭعىرۋ» سوزدەرىن بەينەلەپ, ساپ تۇزەدى.
گۇلدانا تالعاتقىزى
