استانا قالاسى جاستار ساياساتى ماسەلەلەرى جونىندەگى باسقارمانىڭ باسشىسى اسحات ورالوۆتىڭ حابارلاۋىنشا, ەلوردادا تۇرىپ جاتقان جاستاردىڭ سانى 250 مىڭ ادامنان اسىپ, 300 مىڭعا بارىپ جۋىقتايدى.
جاستارعا كاسىبي باعدار بەرىپ, جۇمىسقا ورنالاستىرۋ جاعىنان جاردەم كورسەتۋ قازىرگى تاڭدا وزەكتى ماسەلەلەردىڭ بىرىنە اينالىپ وتىر. بۇل كۇندەرى ەلىمىزدە ءارتۇرلى تەحنيكالىق ماماندار تاپشى ەكەنى ءار جەردە ايتىلىپ ءجۇر. وسى ولقىلىقتىڭ ورنىن تولتىرۋ ماقساتىندا استانانىڭ جاستارىنا جىل سايىن قالا كاسىپورىندارىنا ەكسكۋرسيالار ۇيىمداستىرىلۋدا. ماسەلەن, بىلتىر «تسەسنا-
استىق» كونتسەرنى» اق, «تۇلپار-تالگو» جشس, «ستالتسينك» زاۋىتى, «تسەلينگيدروماش» كومپانياسى سىندى كاسىپورىنداردى 5500 جاس ارالادى. بيىل بۇل جۇمىس شيراتىلىپ, اتالمىش ءوندىرىس وشاقتارىن 12 مىڭ جاس كوردى.
باسقارمانىڭ مالىمدەۋىنشە, قازىر ەڭبەك نارىعىندا ينجەنەر-مەحانيكتەر, ەلەكتريكتەر, مونتاجنيكتەر, سانتەحنيكتەر, سلەسارلەر, دەنساۋلىق ساقتاۋ, ءبىلىم بەرۋ, قىزمەت كورسەتۋ سالالارىنىڭ ماماندارى سۇرانىسقا يە بولىپ وتىر.
قالادا جاستار ساياساتى ماسەلەلەرى جونىندەگى باسقارماعا قاراستى 18 اۋلا كلۋبى جۇمىس ىستەپ تۇر. الماتى اۋدانىندا – 10, سارىارقا اۋدانىندا –
5 جانە ەسىل اۋدانىندا – 3. ارينە, ولاردىڭ سانى ءالى ازداۋ, سوندىقتان تاعى وسىنداي 6 كلۋبتىڭ اشىلۋى جوسپارلانىپ وتىر. باسقارما باسشىسىنىڭ ايتۋىنشا, وسىنىڭ ىشىندە استانانىڭ شەتكى ايماقتارىن دا قامتۋ ويلاستىرىلدى.
«قالادا جاستار ساياساتىن جۇزەگە اسىرۋدىڭ ماڭىزدى باعىتتارىنىڭ ءبىرى – ستۋدەنتتەر مەن جۇمىسشى-جاستاردى بىرىكتىرۋ. بۇل ماقساتتا
اعىمداعى جىلدىڭ باسىنان جوعارى وقۋ ورىن-
دارىنداعى جاستار ءىسى جونىندەگى كوميتەت كوشباسشىلارىن جانە ەلوردانىڭ بارلىق ستۋدەنتتەرىن بىرىكتىرەتىن «ا14» الاڭى قۇرىلدى. مۇنداعى «ا» – استانانى بىلدىرسە, 14 – ەلوردا جوعارى وقۋ ورىندارىنىڭ سانى. وسى جۇمىس بارىسىندا اي سايىن رەسمي, بەيرەسمي كەزدەسۋلەر ۇيىمداستىرامىز. بۇل ارقىلى استاناداعى جوعارى وقۋ ورىندارىندا وقيتىن 51 مىڭ ستۋدەنتتىڭ جاعدايىن ءبىلىپ وتىرامىز» دەيدى اسحات ورالوۆ.
ونىڭ ايتۋىنشا, وسى ۇلگىمەن قالانىڭ كوللەدج ستۋدەنتتەرىنىڭ باسىن قوساتىن «ا35», مەكتەپ كوشباسشىلارىنان قۇرالعان «ا84» الاڭدارى قۇرىلعان. بۇل الاڭداردىڭ جۇمىسى وتكەن قىركۇيەك ايىندا باستالدى.
امانعالي قالجانوۆ
