«جاسىل ەلدىڭ» كەزەكتى ماۋسىمى
![](https://astana-akshamy.kz/wp-content/uploads/2022/06/9920e03575d00910398bbf9e0bb9235d_1280x720.jpeg)
نۇر-سۇلتان قالاسىندا جاستار ساياساتى ماسەلەلەرى باسقارماسىنىڭ باستاماسىمەن «جاسىل ەل» ەڭبەك جاساقتارىنىڭ ءXVIىى ماۋسىمى وتكىزىلىپ جاتىر.
2020-2021 جىلدارى «جاسىل ەل» وتريادتارىندا 1 200 ادامعا ورىن ءبولىندى, ال بيىل بۇل سان 1956-عا دەيىن ءوستى, ءوسىم 756 ورىندى قۇرادى.
قازىر ەڭبەك وتريادتارىنىڭ 14-17 جاس ارالىعىنداعى كامەلەتكە تولماعان قاتىسۋشىلارى قالانىڭ ءبىلىم بەرۋ مەكەمەلەرىنىڭ اۋماعىندا, ال 18 جاستان اسقان جاستار ساياباقتاردا, سكۆەرلەردە جۇمىس ىستەيدى, كوگالداندىرۋ مەن تازالاۋعا قاتىسادى.
وسى جىلدىڭ تاعى ءبىر ەرەكشەلىگى – قالا باسشىلىعىنىڭ تاپسىرماسىنا سايكەس «جاسىل ەل» جوباسى اياسىندا 14-29 جاس ارالىعىنداعى جەتىم بالالار مەن اتا-اناسىنىڭ قامقورلىعىنسىز قالعان بالالارعا 500 ورىن قاراستىرىلعاندىعى. ولارعا فورما تەگىن بەرىلەدى, 64 564 تەڭگە مولشەرىندە اي سايىنعى جالاقى تولەنىپ, 6 ايعا دەيىن جۇمىس ىستەۋ مۇمكىندىگى بەرىلەدى. جاساق قۇرامىنا جەتىم جانە اتا-انا قامقورلىعىنسىز قالعان جاستاردى قابىلداۋ جالعاسۋدا. جۇمىس ورنى, كەستەسى, ۋاقىتى, شارتتارى مەن ۇسىنىستارى تۋرالى تولىعىراق @Ns_jastary Instagram اككاۋنتىنا جازىپ, بىلۋگە بولادى.
بايان اسىلبەكوۆا