كوكتەم قارقىن
№ 70 (4194), 17 ماۋسىم, 2021
باۋىرجان
شابالوۆ:
– قىتايمەن شەكارالاس جاتقان اۋدانداردان حالىق قوپارىلا كوشىپ جاتىر. قازىر تارباعاتاي, كۇرشىم, قاتونقاراعاي اۋداندارى كەڭەس زامانىنداعى تۇرعىلىقتى حالقىنىڭ ۇشتەن ەكىسىنەن ايىرىلدى. شەكارا جالاڭاش قالدى. بوس جاتقان جەرگە كوز الارتاتىن «ايداھار» كورشىڭ ول بار. قالعان قازاقتى بەس-التى قالاعا جيىپ الىپ قالاي جان ساقتاماقشىسىڭدار؟ ءبىزدىڭ مەملەكەتىمىزدىڭ ەكونوميكالىق, وندىرىستىك جاعدايىن ءبىلىپ وتىرسىڭدار. ەكونوميكاداعى ديۆەرسيفيكاتسيا دەگەن بىزدە اتىمەن جوق. اشتىق سوندا باستالادى. ۋربانيزاتسيا بولۋ ءۇشىن دامىعان ءوندىرىس, مىقتى بانك سيستەماسى بولۋى كەرەك, ال بىزدەگى بانكتەر مەملەكەتتەن كومەك سۇراپ قانا تىرلىك ەتىپ وتىر. ولار تەك ءوز قۇلقىنىن قامىن عانا ويلايدى. ال حالىقتىڭ ءبىراز بولىگى قايىرشىنىڭ كۇنىن كورىپ وتىر. اۋىلدا تىم بولماسا باقشاسىن ەگىپ, ەشكىسىن ساۋسا دا جان ساقتايدى عوي. باسقا ەلدەردە قوسىمشا وندىرىستەر بولسا, بىزدە حالىقتى ۇستاپ تۇرعان – مەكتەپتەر. مەكتەپ جابىلسا, حالىق بوسىپ كەتەدى. بۇل – جان-جاقتى ويلانىپ شەشىلەتىن جاعداي.
———————————————————————————
ەركىن داۋەشۇلى
№ 80 (4204), 10 شىلدە, 2021
جادىرا
شامۇراتوۆا:
– بايىرعى جۋرناليست ەركىن داۋەشۇلى اعامىز ماقالاسىندا ءالىمحان ەرمەكوۆ اتىن جوعارى وقۋ ورنىنا بەرۋ تۋرالى ۇسىنىس كوتەرىپ وتىر. وتە ورىندى ۇسىنىس.
———————————————————————————
امانعالي قالجانوۆ
№ 80 (4204), 10 شىلدە, 2021
ءمادينا
ابديلمانوۆا:
– شاعىن اۋدان حالىقتىڭ سانى جاعىنان جاقسى جانە قارقىندى دامىپ كەلەدى, بىراق, ارينە, ءبىر مەكتەپ پەن اۋرۋحانا جەتكىلىكسىز. ولار كەلەسى جىلى تاعى پايدا بولادى دەپ ۇمىتتەنەمىز.
——————————————————————————–
قازاقتىڭ تويى «قىلمىسقا» اينالماسىن
ايگۇل ۋايسوۆا
№ 93 (4217), 11 تامىز, 2021
شولپان
سۇلەيمەنوۆا:
– اقىلعا سىيمايتىن تىرلىك قوي تويدى بۇزۋ. بۇل ءبىر وتباسىنىڭ قىزىعىن بۇلدىرۋدەن باسقا دانەڭە ەمەس. قازاق قۇمىرسقانىڭ يلەۋىن بۇزباعان, قازىر تويدى بۇزۋ حيتكە اينالدى. ءبىر وتباسىنىڭ كوپتەن كۇتكەن تويىنا توسقاۋىل قويعانشا, باسقاشا جول تابۋعا بولار ەدى عوي, مىسالى, اراقاشىقتىق ساقتاۋ, داستارقانعا ءبىر ورىن تاستاپ وتىرعىزۋ سياقتى ادىستەردى نەگە قولدانباسقا؟!
شامەلحان
بۇحاتحان:
– وتە دۇرىس! تويدى كۇندىز, اشىق جەردە, دالادا وتكىزۋ كەرەك! نەمەرەڭىز ۇيلەنسە, كارانتين ءبىتسىن دەپ قاراپ وتىرماي ءبارىبىر وتكىزەسىز. بۇرىنعىداي مىڭ ادام شاقىرماي, ءجۇز ادامدى Ashyq ارقىلى كىرگىزىپ, جاقسىلاپ وتكىزۋ كەرەك. قازاق تورقالى توي مەن توپىراقتى ولىمدە باس قوسقان.
قالي
ابيبۋللاەۆ:
– وتە ورىندى. ويتكەنى توي – حالىقتىڭ قازىناسى. وكىنىشكە قاراي, قازىر تويعا عانا توسقاۋىل قويىپ جاتىر. بازارعا بارساڭ, ۆوكزالعا بارساڭ قاپتاعان ادام, قالىڭ ادام ءبىر ەسىكتەن كىرىپ, ءبىر ەسىكتەن شىعىپ ءجۇر. سوندا ول جەرلەردە ۆيرۋس جوق پا؟ تۇسىنىكسىز, الدە بۇل تويدا عانا تارايتىن ۆيرۋس پا؟
باۋىرجان
بەلگىباەۆ:
– دۇرىس پىكىر, ورىندى. بىراق قۇزىرلى ورگاندار بۇل ماسەلەمەن اينالىسا قويا ما ەكەن؟
ايزادا
ماماەۆنا:
– شىنىمەن دە, ايگۇل وتە ورىندى ماسەلە كوتەرىپ وتىر. «التىن وردا» بازارىنا بارا قالساڭ, قايناعان حالىق, ماسكا تاققانى دا بار, تاقپاعانى دا بار, سوعان قاراپ ول جەردە ۆيرۋس جوق سياقتى دەپ ويلايسىڭ ەلگە قاراپ. ال تويدى شەكتەيدى, بۇل ەندى ويلاناتىن ماسەلە, شىنىندا.
قالدىگۇل
التىنبەكوۆا:
– دۇرىس ايتاسىڭ, ءومىر توقتاپ قالمايدى, جاستار ۇيلەنۋى كەرەك…
ءنازيرا
كامبيلحان:
– ءبىزدىڭ كەزىمىزدە توي اۋلادا, اشىق جەردە بولاتىن. كۇزدە پالاتكامەن توبەنى جاۋىپ قوياتىن. قازىر دە تويدى سالاي وتكىزۋگە بولادى, نەگە بولماسقا؟!
———————————————————————————
ايگۇل ۋايسوۆا
96 (4220), 17 تامىز, 2021
Meiram
IMANBAYEV:
– ابىلاي حاننىڭ بار قازاقتى بيلەگەنى جانە جوڭعارلاردى جەڭگەنى – تالاستى تاقىرىپ.
Madi Aiymbetov:
– بۇل ءۇشىن ابىلاي اق كيىزگە وتىرعىزىلىپ حان كوتەرىلگەن 1771 جىلعا دەيىنگى ابىلقايىر حاندىعىنىڭ تاريحىن وبەكتيۆتى تۇردە تالداۋ كەرەك!
———————————————————————————
امانعالي قالجانوۆ
№ 79 (4203), 8 شىلدە, 2021
اسەم
شاپاي:
– ءيا, كوكتال جىلدان-جىلعا قۇلپىرىپ, دامىپ جاتىر. تۇرعىن ۇيلەر گازبەن تولىق قامتاماسىز ەتىلۋدە. كوكتال-2 مەكتەبىمىز ۇلكەن, بالاباقشالار (جەكەمەنشىك بولسا دا) باعاسى قولجەتىمدى, شاعىن بولسا دا ساياباعىمىز بار, ەمحانامىز جاڭا, كوشەلەرىمىز قىستا قاردان, جازدا سۋ شاشۋدى ۋاقىتىندا ورىنداپ وتىرادى. تازا ءارى ادەمى اۋداننىڭ تۇرعىنى (كۆارتيرانتى) بولعانىمىزعا 2 جىل… ءبىزدىڭ سۇيىكتى رايونىمىز.
گۇلميرا
ايماعانبەت:
– كوكتالدا اشىلعان ساياباقتار, سكۆەرلەر مەن سپورت الاڭدارى راسىمەن كوڭىل قۋانتادى. شەتكەرى ايماق دەپ شەت قالماعانى ۇنايدى.
جاڭىل
شاعاداتوۆا:
– كوكتالدىڭ تازالىعى, نەگىزى, سول جاق جاعالاۋدان دا ارتىق. جۋىردا بارىپ تاڭعالدىم.
———————————————————————————
