جەدەل شارا ءوتىپ جاتىر
قالالىق پوليتسيا دەپارتامەنتى ەلوردا اۋماعىندا 24-30 قاڭتار ارالىعىندا «تۇرمىس» جەدەل پروفيلاكتيكالىق ءىس-شاراسىن وتكىزىپ جاتىر.
اتالعان ءىس شارا اياسىندا ايەلدەردى زورلىق-زومبىلىقتان قورعاۋ ءبولىمىنىڭ جەكە قۇرامى «جاننۇر» ساۋدا ۇيىندە الەۋمەتتىك بيۋرو وتكىزدى. ونداعى ماقسات – حالىققا ءتۇسىندىرۋ جۇمىستارىن جۇرگىزۋ, تۇرمىستىق قىلمىستاردىڭ الدىن الۋ جانە بولدىرماۋ.
«تۇرمىستىق زورلىق-زومبىلىققا تاپ بولعان كەز كەلگەن ادام «102» نومىرىنە حابارلاسۋىنا بولادى. سول سياقتى وسىنداي جاعدايدىڭ كۋاگەرى بولساڭىز, اۋداندىق پوليتسيا باسقارمالارىنا ايەلدەردى زورلىق-زومبىلىقتان قورعاۋ توپتارىنىڭ سەنىم تەلەفوندارىنا حابارلاسا الاسىزدار. ءسىزدىڭ قوڭىراۋىڭىز باسقا ءبىر ادامنىڭ ءومىرى مەن دەنساۋلىعىنا اراشا ءتۇسۋى ابدەن مۇمكىن» دەيدى نۇر-سۇلتان قالاسى پد ازق توبىنىڭ اعا ينسپەكتورى گۇلميرا شراحمەتوۆا.
ساۋدا ۇيىنە كەلۋشىلەر تەك ساۋدا جاساپ قانا ەمەس, سونىمەن قاتار قۇقىقتىق كومەك الىپ, تۇرمىستىق زورلىق-زومبىلىق ورىن العان جاعدايدا ارەكەت ەتۋدىڭ الگوريتمىمەن دە تانىستى. كەلۋشىلەرگە بروشيۋرالار مەن بۋكلەتتەر تاراتىلدى. تۇرعىنداردىڭ كوكەيىندە جۇرگەن سۇراقتارعا وكىلەتتى ورگان ماماندارى جاۋاپ بەردى.
ءاسيا نۇربەكقىزى