كەشە استانا قالاسىنداعى جەدەل جاردەم ستانساسىنىڭ ورتالىعىندا باق وكىلدەرىنە ارنالعان ارنايى ءباسپاسوز تۋرى ءوتتى.
ءباسپاسوز تۋرى كەزىندە جاعدايى ناشارلاعان ادامعا العاشقى كومەك قالاي جۇزەگە اسىرىلاتىنى كورسەتىلىپ, 103 قىزمەتىنىڭ ديسپەتچەرلىك جۇمىسى تانىستىرىلدى. مۇندا ماماندار ءاربىر قوڭىراۋدى ءتورت ساناتقا ءبولىپ قاراستىرادى. ونىڭ باستى سەبەبى – ambulance قىزمەتكەرلەرىنىڭ قايسىسىنا ءبىرىنشى بولىپ بارۋىن الدىن الا انىقتايدى.
Ambulance قىزمەتىنىڭ زاماناۋي ۇلگىدە جۇمىس ىستەيتىنى قۋانتادى. الايدا ونىڭ ءبارى تەك استانا قالاسىنىڭ اۋماعىنا عانا قاراستىرىلعان. ال ەلوردا ماڭىنا جاقىن ورنالاسقان ەلدى مەكەندەر تاسادا قالىپ وتىر. جاعدايى كۇرت ناشارلاپ, ينسۋلت العان ادامعا ارنايى بريگادانىڭ دەر ۋاقىتىندا جەتە قويۋى ەكىتالاي. بۇعان كوشەدەگى كولىكتەردىڭ جول بەرمەۋى دە كەرى اسەر ەتەدى ەكەن. جيىن بارىسىندا تىلشىلەر تاراپىنان وسى سۇراق قويىلدى. ءوز كەزەگىندە «قالالىق جەدەل مەديتسينالىق جاردەم ستانساسى» مكك باس دارىگەرى تيمۋر مۇراتوۆ بارلىق ماسەلە قاراستىرىلىپ جاتقانىن, بىراق قاي ۋاقىتتا شەشىلەتىنىن ناقتى ايتا المادى.
