ءليفتى شارۋاشىلىعىنداعى پروبلەمالارعا پارلامەنت دەپۋتاتتارى دا الاڭداۋشىلىق تانىتۋدا. كەشە ماجىلىستە كاسىپكەرلىك قىزمەتتى رەتتەۋدى جەتىلدىرۋ ماسەلەلەرىنە ارنالعان زاڭ جوباسىن تالقىلاۋ كەزىندە دەپۋتات مەيرام پىشەمباەۆ رەيتينگ قۋالاۋدىڭ سالدارى ايانىشتى جاعدايعا اكەلگەنىن مالىمدەدى.
«ءليفتى شارۋاشىلىعىنداعى وعاشتىققا مىسال ايتايىن. وتكەن جىلى استانادا ءليفتى قۇلاعان 4 وقيعا تىركەلدى. باقىتىمىزعا قاراي قۇربان بولعاندار جوق. ەلىمىزدەگى باسقا قالالاردا دا مۇنداي ماسەلە وتكىر تۇر. 2012 جىلعا دەيىن استانادا ءليفتى جابدىعىن باقىلاي الاتىن بىلىكتى ماماندارى بار 5-اق كومپانيا بولعان. ال قازىر 69 كومپانيا تىركەلگەن. ولاردىڭ كەيبىرىنىڭ شتاتىندا ديرەكتورى مەن ليفتەر ماماندىعىنا ءبىلىمى جوق مامان عانا بار» دەدى ول.
دەپۋتاتتىڭ كوتەرگەن ماسەلەسىن ءماجىلىس توراعاسى نۇرلان نىعماتۋلين دە قوستادى. ول ازاماتتاردىڭ قاۋىپسىزدىگىن قامتاماسىز ەتۋ ءۇشىن ۇكىمەتپەن بىرلەسە وتىرىپ, ليتسەنزيالاۋدى قايتا ەنگىزۋ قاجەتتىگىن اتاپ ءوتتى.
سۇحباتتاسقان تولەن تىلەۋباي
