جەدەلسوز. ولجاس كاۋشەۆ,استانا قالاسى جاستار ساياساتى ماسەلەلەرى باسقارماسى جاستار ۇيىمدارىمەن جۇمىس ءبولىمىنىڭ باسشىسى: جاستار قاي ىستە دە بەلسەندى
– ەلوردا جاستارىنىڭ جاعدايى قالاي؟
– استانا – جاستار قالاسى. مۇندا قازىر 245 مىڭنان اسا جىگىت پەن قىز تۇرادى. بۇل – جالپى تۇرعىن حالىقتىڭ 30 پايىزى.
بيىل 1 قىركۇيەككە دەيىن ءبىزدىڭ باسقارما ەلۋدەن استام ءىس-شارا (كەزدەسۋ, دوڭگەلەك ءۇستەل, كونفەرەنتسيا, فەستيۆال, سەنبىلىكتەر مەن ءتۇرلى الەۋمەتتىك ءىس-شارالار) وتكىزدى. وعان 80 مىڭنان اسا جاس قاتىستى.
«بيزنەستىڭ جول كارتاسى – 2020» سالالىق باعدارلاماسىن جۇزەگە اسىرۋ اياسىندا ەلوردادا جاستاردى جۇمىسپەن قامتۋ ءجونىندە «جاستار ءتاجىريبەسى», «جاسىل ەل» جوبالارى ءجۇزەگە اسىرىلۋدا. جىل باسىنان بەرى وعان 807 ادام قاتىستى.
ەلوردا جاستارىن جۇمىسقا ورنالاستىرۋ ءۇشىن جىل سايىن بوس جۇمىس ورىندارى ءجارمەڭكەسى وتكىزىلەدى. ءبىرىنشى جارتىجىلدىقتا وسىنداي 4 ءجارمەڭكە وتكىزىلىپ, وعان ەلوردانىڭ 10 مىڭعا تارتا جۇمىسسىز جۇرگەن تۇرعىنى قاتىستى.
– الداعى مىندەتتەر قانداي؟
– قوعامدا كوتەرىلىپ وتىرعان ماسەلەلەردەن استانالىق جاس ازاماتتار ەشقاشان شەت قالعان ەمەس. ءبىز قازىردە جاستاردىڭ الەۋمەتتىك-ەكونوميكالىق احۋالىن كۇشەيتۋگە باعىتتالعان ءبىرنەشە جوبالار بويىنشا جۇمىستار اتقارۋدامىز. ەڭ باستى ماسەلە, جاستاردىڭ ماماندىق تاڭداۋداعى كەتكەن قاتەلىكتەرىن جونگە كەلتىرۋ. وسىعان بايلانىستى باسقارما تۇراقتى تۇردە ءبۇگىنگى كۇن سۇرانىستارىنا يە ماماندىقتار بويىنشا جاستاردى قايتا وقىتىپ, دايارلاۋعا باعىت ۇستاۋدا.
وسى ايتىلعان مىندەتتەردى جۇزەگە اسىرۋ ءۇشىن باسقارما قالانىڭ جالپى ءبىلىم بەرەتىن مەكتەپتەرىندە 9-11-سىنىپ وقۋشىلارىمەن كەشەندى جۇمىستار جۇرگىزۋدە. ەڭ كوپ سۇرانىسقا يە ماماندىق يەلەرىمەن شاكىرتتەردىڭ كەزدەسۋى ۇيىمداستىرىلادى.
– جاستاردىڭ قوعامدىق جۇمىستارعا قاتىسى قالاي؟
– ەلوردانىڭ جاستارى بەلسەندى. باسقارما وتكەن قىستا «STOP-قار» اكتسياسىن وتكىزدى. ماقساتى – سالاۋاتتى ءومىر سالتىن قالىپتاستىرۋ, وتانعا, تۋعان جەرگە دەگەن سۇيىسپەنشىلىكتى ارتتىرىپ, قالا تازالىعىنا جەتە ءمان بەرۋ بولاتىن. وعان بەس جۇزدەن استام ەلوردالىق جاس قاتىستى. سول سياقتى سەنبىلىكتەر مەن ءتۇرلى مەرەكەلەردە جاس جىگىتتەر مەن قىزدار اسەم دە ادەمى باس قالانىڭ ودان سايىن كوركەيىپ, وركەندەۋى ءۇشىن اسا بەلسەندىلىكپەن اتسالىسادى.