قىركۇيەكتىڭ 15-ءى مەن 30-ى ارالىعىندا جول جابىنىن ورتاشا جوندەۋ جۇمىستارىنا بايلانىستى جەلتوقسان كوشەسىنىڭ كەنەسارى كوشەسىنەن يرچەنكو كوشەسىنە دەيىنگى بولىگى جابىلادى. بۇل تۋرالى قالا اكىمدىگىنىڭ رەسمي سايتى حابارلادى.
بۇقارباي باتىر كوشەسىنەن يرچەنكو كوشەسىنە دەيىنگى ءبىرىنشى ۋچاسكەدە 15-19 قىركۇيەك ارالىعىندا, ال بۇقارباي باتىر كوشەسىنەن كەنەسارى كوشەسىنە دەيىنگى ەكىنشى ۋچاسكەدە 20-30 قىركۇيەك ارالىعىندا قوزعالىس تولىق توقتاتىلادى.
سونىمەن قاتار, 17-30 قىركۇيەكتە جەلتوقسان كوشەسىنىڭ اباي داڭعىلىنان سەيفۋللين كوشەسىنە دەيىنگى بولىگىندە قوزعالىس جارتىلاي شەكتەلەدى.
جۇرگىزۋشىلەردى جولداردا مۇقيات بولۋعا جانە جول باعدارلارىن الدىن الا جوسپارلاۋعا شاقىرامىز.
ايتپاقشى, جول جوندەۋ جۇمىستارىنا بايلانىستى كەشكى ساعات 21.00-دەن باستاپ اباي داڭعىلى – سەمبينوۆ قيىلىسىندا, سونداي-اق اباي داڭعىلىنىڭ ءۋاليحانوۆ كوشەسىنەن بەيسەكباەۆا كوشەسىنە دەيىنگى ۋچاسكەدە № 5, 8, 14, 22, 40, 42, 64, 73, 106 مارشرۋتتاردىڭ قوزعالىس سىزبالارى ۋاقىتشا وزگەرەتىنىن حابارلايمىز.
№ 8, 22, 40, 106 اۆتوبۋستار ءۋاليحانوۆ جانە كەنەسارى كوشەلەرىمەن اينالىپ وتەدى, بۇدان ءارى بۇرىنعى سىزبا بويىنشا جۇرەدى. كەرى قايتقاندا دا اۆتوبۋس وسى سىزبامەن قوزعالادى.
№ 5, 14, 64, 73 مارشرۋتتار ءۋاليحانوۆ – كەنەسارى – بەيسەكباەۆ – جۇبانوۆ – كەنەسارى كوشەلەرىمەن اينالىپ وتەدى, بۇدان ءارى كۇندەلىكتى سىزبا بويىنشا.
№ 42 مارشرۋت سەيفۋللين كوشەسى – سەمبينوۆ كوشەسى ارقىلى جۇرەدى. بۇدان ءارى قازىرگى سىزبا بويىنشا.
جول جوندەۋ جۇمىستارى اياقتالعان سوڭ, اۆتوبۋستار قالىپتى باعدارىمەن جۇرەتىن بولادى.
