جيىنعا بۇكىلالەمدىك جابايى تابيعات قورىنىڭ سەرىكتەسى, «تۇراقتى دامۋ» جەر قورىنىڭ قوعاممەن بايلانىس قىزمەتىنىڭ ديرەكتورى رۋسلان شەفەر, «ەكسپو-2017» ۇلتتىق كومپانياسىنىڭ ءباسپاسوز قىزمەتىنىڭ جەتەكشىسى ايگۇل مۇكەي, «7 تەلەارنانىڭ» جۇرگىزۋشىسى كاميل گاليەۆ, قازاقستانداعى بيولوگيالىق الۋان تۇرلىلىكتى ساقتاۋ اسسوتسياتسياسى ءبىلىم باعدارلامالارىنىڭ ۇيلەستىرۋشىسى جاننا اقساتاروۆا جانە «بيلاين قازاقستان» كومپانياسىنىڭ الەۋمەتتىك جوبالار جونىندەگى مەنەدجەرى انار جۇماعۇلوۆا قاتىسىپ, جۇرتشىلىقتى جارىقتى ۇنەمدەۋگە شاقىردى.
بىلتىر «جەر ساعاتى» اكتسياسىنا الەم بويىنشا 2 ميللياردتان اسا ادام قاتىسقان بولاتىن. باستاما بارىسىندا ەيفەل مۇناراسى, كرەمل, بيگ بەن, ريم كوليزەيى, الماتىداعى كوكتوبە تەلەمۇناراسى, استاناداعى بايتەرەك سەكىلدى ايگىلى مادەني نىساندار جارىعىن ءبىر ساعاتقا وشىرگەنى بەلگىلى. شارتاراپتا ءتۇرلى كونتسەرتتىك باعدارلامالار وتكزىلىپ, اكتسيا ۇلكەن بۇقارالىق شاراعا ۇلاسقان بولاتىن.
بيىل دا ەلىمىز وسى شاراعا بەلسەنە قاتىسقالى وتىر. ءباسپاسوز ءماسليحاتىنا قاتىسۋشىلاردىڭ ايتۋىنشا, بۇگىنگى شارا «جاسىل جەلەك وتىرعىزۋدىڭ ۇلتتىق كۇنى» ۇرانى اياسىندا وتكىزىلىپ, قالا اۋماعىن كوگالداندىرۋ, اعاش وتىرعىزۋ جۇمىستارى بەلسەندى جۇرگىزىلمەك. بۇل – ەرىكتى شارا. سوندىقتان, جارىقتى ۇنەمدىگىسى كەلەتىن كەز كەلگەن ادام وعان ۇلەس قوسىپ, ءبىر ساعاتقا ەلەكتر جارىعىن وشىرۋىنە بولادى. حالىقارالىق شارانىڭ باسى-قاسىندا جۇرگەندەر بيىل اكتسياعا قاتىسۋشىلار بۇرىنعىدان دا كوبەيەتىنىنە ءشۇبا كەلتىرمەيدى.
