سارىارقا اۋدانى – استاناداعى ەڭ ۇلكەن اۋدانداردىڭ ءبىرى ءارى مۇندا نەگىزىنەن تۇرعىلىقتى ادامدار كوپ. سودان بولار, اۋدان باسشىلارى سوعىس جانە ەڭبەك ارداگەرلەرىنىڭ باسىن قوسىپ, ءاردايىم اق داستارحان باسىنا جيناپ, قۇرمەتتەپ جاتادى. سول كەزدە ولاردىڭ كوڭىلدەرى كوتەرىلىپ, قوعامعا قاجەت ەكەندىكتەرىن سەزىنىپ, ءبىر قۋانىپ قالادى.
شىنىن ايتساق, بۇگىندە ارداگەرلەر ەشتەڭەگە مۇقتاج ەمەس. تەك ىستىق ىقىلاس پەن مەيىرىم-قۇرمەت ولاردى ءبىر جاسارتىپ تاستايتىنى انىق. ۇلىستىڭ ۇلى كۇنى قارساڭىندا اتالمىش اۋداندا سونداي ءبىر كەزدەسۋ ءوتتى.
ماحامبەت وتەمىسوۆ اتىنداعى وقۋشىلار سارايىنىڭ ديرەكتورى قۇرالاي مۇقىشەۆا باستعان مۇعالىمدەر ۇجىمى ونەرلى وقۋشىلارىمەن بىرگە قارت ارداگەرلەردى ىزەتپەن قارسى الدى. ودان سوڭ ۇلى وتان سوعىسىنىڭ ارداگەرى, قارت جاۋىنگەر قاماتاي توقاباەۆ ءسوز الىپ, ۇيىمداستىرۋشىلارعا العىس ايتتى.
بۇگىندە سارىارقا اۋدانىندا 116 سوعىس ارداگەرى مەن مۇگەدەگى تۇرادى. سولاردىڭ ەڭ ۇلكەنى 101 جاستا بولسا, ەڭ جاسى 85-تە ەكەن. اۋدان بويىنشا سوعىس ارداگەرلەرىنىڭ ءبارى ەلەۋسىز قالمايدى. ولار ءۇشىن شاي داستارقاندارى جاسالىپ, جۇرە المايتىندارعا ءۇيدى-ۇيگە سىيلىقتار تاراتىلىپ, قۇرمەت كورسەتىلەدى.
حالىقارالىق ايەلدەر مەرەكەسى قارساڭىندا اتالمىش اۋدان اكىمىنىڭ اپپاراتى زەينەت جاسىنداعى 50 ايەلدى اباي كوشەسىنىڭ بويىنداعى «يامايكا» كافەسىنە شاقىرىپ, مەرەكەلىك شارا ۇيىمداستىردى. ءدامحانا ۇجىمى 2012 جىلى – 25, 2013 جىلى 35 ادامعا جانە بيىل 50 ادامعا قايرىمدىلىق داستارقانىن جايىپتى. وسىعان وراي, ءدامحانانىڭ ديرەكتورى ءجانيا ساعاديەۆاعا, قىزمەتكەرلەرى مارات اقشيموۆ, ولگا بوريسوۆا مەن اعا اسپازشى توقجان الدابەرگەنوۆاعا ءدان ريزاشىلىعىمىزدى بىلدىرەمىز.
ونەرلى ازاماتتاردان دا كەندە ەمەسپىز. ارداگەرلەر كەڭەسى جانىنان دومبىراشىلاردىڭ فولكلورلىق ءانسامبلىن قۇرعان كەنجەتاي جانۇزاقوۆا جاقىندا سارىارقا اۋداندىق ارداگەرلەر كەڭەسى جانىنان شاحماتشىلار كلۋبىن دا ۇيىمداستىردى. ءوزى شاحمات كومانداسىنىڭ كاپيتانى. ولار ەسىل اۋدانىندا وتكەن شاحمات تۋرنيرىندە ءبىرىنشى ورىندى جەڭىپ الدى.
ارداگەرلەرگە ارنالعان وسىنداي تاعى ءبىر يگى شارانى ق.قۋانىشباەۆ اتىنداعى تەاتردىڭ ۇجىمى دا ۇيىمداستىردى. ولار اۋدان زەينەتكەرلەرىنە بيلەتتەر بەرىپ, 50-دەن استام ارداگەر ايەلدىڭ ە.جۋاسبەكتىڭ «ۇيلەنۋ» اتتى كومەدياسىن تەگىن تاماشالاۋلارىنا مۇمكىندىك جاسادى. ال, №4 ەمحانادا وتكەن مەرەكەلىك شارا بارىسىندا استاناداعى №56 مەكتەپتىڭ وقۋشىلارى قارت انالارعا تاماشا كونتسەرت ۇيىمداستىردى.
قورىتا ايتساق, سارىارقا اۋدانىنىڭ اكىمشىلىگى دە, اۋداننىڭ ارداگەرلەر كەڭەسى دە زەينەتكەرلەر ءۇشىن اۋقىمدى ءىس-شارالار ۇيىمداستىرىپ كەلەدى. باسقا ۇجىمدار وسى اۋداننىڭ جۇمىسىنان ۇلگى السا دەيمىز.
عاليا بالتاباي,
قر مادەنيەت قايراتكەرى, زەينەتكەر
