(قازاقستان رەسپۋبليكاسى ءبىلىم جانە عىلىم ءمينيسترى ا.ب.ءسارىنجىپوۆتىڭ جۇمىس ساپارى: جاڭا فورماتسيالى پەداگوگ دايارلاۋداعى «ورلەۋ» باۇو» اق ءرولى)
2014 جىلعى 26 ناۋرىز «ورلەۋ» باۇو» اق تاريحىندا ەرەكشە كۇن بولدى. بۇل كۇنى قازاقستان رەسپۋبليكاسىنىڭ ءبىلىم جانە عىلىم ءمينيسترى اسلان باكەنۇلى ءسارىنجىپوۆ سولتۇستىك قازاقستان وبلىسىنا جۇمىس ساپارى اياسىندا «ورلەۋ» باۇو» اق فيليالى «سقو پق باي» بولدى. ءمينيستردىڭ فيليال قىزمەتكەرلەرىمەن, وبلىستىڭ پەداگوگيكالىق قاۋىمداستىعىمەن ىسكەرلىك كەزدەسۋىنە سولتۇستىك قازاقستان وبلىسى اكىمىنىڭ ورىنباسارى فارحاد شايمۇراتۇلى قۋانعانوۆ, قر بعم ءبىلىم سالاسىنداعى باقىلاۋ كوميتەتىنىڭ سقو بويىنشا دەپارتامەنتى باسشىسى ەرلان سليامبەكۇلى ءابىلدينوۆ, سقو ءبىلىم باسقارماسىنىڭ باسشىسى شولپان تاڭاتقىزى كارينوۆا قاتىستى.
كەزدەسۋ بارىسىندا ا.ءسارىنجىپوۆ بىرقاتار ماڭىزدى جانە وزەكتى سۇراقتارعا جاۋاپ بەردى, بۇگىنگى تاڭدا پەداگوگتاردىڭ الدىندا تۇرعان ماڭىزدى ماسەلەلەر تۋرالى ايتىپ ءوتتى. سونىمەن قاتار, ءبىزدىڭ وبلىسقا جۇمىس ساپارىنىڭ ءمانى مەن ماڭىزدىلىعىنا دا قىسقاشا توقتالىپ ءوتتى. ءبىلىم بەرۋدى جاڭارتۋ ۇدەرىسىندە «ورلەۋ» باۇو»اق ماڭىزدى ورىنداردىڭ ءبىرىن الاتىندىعىنا, ويتكەنى, ول پەداگوگتىڭ كاسىبي قۇزىرەتتىلىگىن قالىپتاستىرۋعا, ۇزدىك پەداگوگيكالىق تاجىريبەنى تاراتۋعا, حالىقارالىق جانە قازاقستاندىق تاجىريبەنى تاراتۋعا ۇلەس قوساتىندىعىنا, بىرلەسكەن باسقارۋ نەگىزىندە ءبىلىم بەرۋدىڭ جوعارى ساپاسىن قامتاماسىز ەتەتىندىگىنە ەرەكشە توقتالدى.
«ورلەۋ» باۇو» اق فيليالى «سقو پقباي» ديرەكتورى الما جاكىمقىزى مىرزالينوۆا «ورلەۋ» باۇو» اق كوپۆەكتورلى جۇيەلى قىزمەتىمەن تانىستىردى. ۇلتتىق ورتالىقتىڭ قۇرىلىمى بىلىكتىلىكتى ارتتىرۋدىڭ جاڭارتىلعان فورماتى باعىتتارىنا سايكەستەندىرىلگەنىن, ءبىلىم بەرۋ جۇيەسىندەگى ستراتەگيالىق ماڭىزدى دا وزەكتى ماسەلەلەرمەن اينالىساتىنىن ەرەكشە اتاپ ءوتتى. بۇدان كەيىن الما جاكىمقىزى ا.ءسارىنجىپوۆتى جانە دەلەگاتسيانى بىلىكتىلىكتى ارتتىرۋ جۇيەسى قىزمەتىنىڭ مازمۇنىن جان-جاقتى اشاتىن كورمەمەن تانىستىردى.
قر ءبىلىم جانە عىلىم مينيسترلىگىنىڭ سوڭعى القا وتىرىسىندا اسلان باكەنۇلى ءبىلىم بەرۋ ورتاسىن كەڭەيتۋ قاجەتتىلىگى تۋرالى ايتقان بولاتىن. كەلەسى كەزەكتە قوناقتارعا تانىستىرىلعان بىلىكتىلىك ارتتىرۋ ينستيتۋتىندا تۇراقتى جۇمىس ىستەيتىن 4 اقپاراتتىق ايماق وسىنداي ورتانىڭ جاڭاشا ۇلگىسى بولىپ تابىلادى. كەزدەسۋدىڭ ماڭىزدى ساتتەرىنىڭ ءبىرى «پەداگوگتىڭ كاسىبي دامۋ مۇمكىندىكتەرىنىڭ كوكجيەگى» اتتى ەلەكتروندىق جولسىلتەگىشتىڭ تانىستىرىلىمى بولدى. ەلەكتروندىق جولسىلتەگىش پەداگوگتىڭ وزدىگىنەن دامىپ, جەتىلۋىنە زور مۇمكىندىك تۋدىرىپ وتىر. اسلان باكەنۇلى بۇل جوبانىڭ جاڭاشىلدىعىن باسا ايتا وتىرىپ, جوعارى باعالادى.
فيليال بويىنشا ەكسكۋرسيا كەزىندە مينيستر مەن قۇرمەتتى قوناقتار كەمبريدج باعدارلاماسى بويىنشا ءوتىپ جاتقان دەڭگەيلىك كۋرس تىڭداۋشىلارىمەن, ارنايى جابدىقتالعان م. مونتەسسوري كابينەتىندە «باتىر» بوبەكجاي باقشاسى ۇلگىسىندە ينكليۋزيۆتى ءبىلىم بەرۋ مەملەكەتتىك ساياساتتى ىسكە اسىرۋ بولاشاعى» تاقىرىبىندا ءدارىس تىڭداپ وتىرعان مەكتەپكە دەيىنگى مەكەمە تاربيەشىلەرىمەن, «ءوزىن-ءوزى تانۋ» ءپانى كابينەتىندە ساندىق ءبىلىم رەسۋرستارى ارقىلى تاجىريبەلىك ساباق ءوتىپ جاتقان كۋرس تىڭداۋشىلارىمەن كەزدەسىپ, پەداگوگتاردىڭ وزدىگىنەن كاسىبي دامۋىنا عىلىمي-ادىستەمەلىك قولداۋ جاساۋدىڭ جاڭا تۇرلەرىن جانە ءبىلىم بەرۋدىڭ ينتەراكتيۆتى تەحنولوگيالارىن پايدالانۋ بويىنشا قازاقستان-رەسەي قارىم-قاتىناسى اياسىندا ءوتىپ جاتقان سەمينار جۇمىسىمەن تانىستى.
كەزدەسۋ سىندارلى جىلى قارىم-قاتىناس جاعدايىندا ءوتتى. كەزدەسۋگە قاتىسقان پەداگوگيكا قىزمەتكەرلەرى مينيستر ا.سارىنجىپوۆكە قويىلعان سۇراقتارعا ناقتى جانە تۇجىرىمدى جاۋاپ قايتارىپ, تىڭعىلىقتى تۇسىنىكتەمە بەرگەنى ءۇشىن العىستارىن ايتتى.
قازاقستان رەسپۋبليكاسى ءبىلىم جانە عىلىم ءمينيسترىنىڭ فيليال ۇجىمىمەن كەزدەسۋى بىرگە سۋرەتكە تۇسۋمەن اياقتالدى.
©
