قالا اكىمى ا.كولگىنوۆ الەۋمەتتىك نىساندارعا اپاراتىن كىرمە جولدار قۇرىلىسى بارىسىمەن تانىستى. بۇل – قالاداعى ە10, ە32, ە15, ە36 كوشەلەرىنىڭ شەكارالارى. جوبا قالا تۇرعىندارىنا عيماراتتارعا تىكەلەي بارۋعا مۇمكىندىك بەرەدى. جوسپار بويىنشا جاياۋ جۇرگىنشىلەر بولىگىن اباتتاندىرىپ, اعاشتار وتىرعىزىلىپ, ورىندىقتار ورناتىلۋى قاجەت. قالا اكىمى ا.كولگىنوۆ جول سالۋ كەزىندە ءبىرىنشى كەزەكتە جاياۋ جۇرگىنشىلەردىڭ, قوعامدىق كولىك قوزعالىسىنىڭ, ودان كەيىن اۆتوكولىك جۇرگىزۋشىلەرىنىڭ ىڭعايلىلىعىن ەسكەرۋ قاجەت ەكەنىن اتاپ ءوتتى.
جوبالىق اتاۋى №355 كوشەسى ەكى ماگيسترالدى كوشەنى جالعايدى, وسىلايشا اۆتوكولىكتىڭ قوزعالۋىنا قولايلى جاعداي جاساپ, №306 كوشە سىعاناق جانە سارايشىق كوشەلەرىنىڭ جۇكتەمەسىنىڭ ءبىر بولىگىن تۇسىرەدى. بۇل كوشەلەردە تروتۋارلار سالۋ, نوسەر كارىزدەرى جۇيەسىن ويلاستىرۋ, ايالدامالار, باعدارشامدار ورناتۋ, جارىقتى قوسۋ جۇمىستارى جوسپاردا تۇر.
سونىمەن بىرگە ەسىل اۋدانى كوشەلەرىنىڭ ۋچاسكەلەرىندە اسفالت توسەۋ, سىرتقى ينجەنەرلىك جەلىلەردى توسەۋ, نوسەر كاناليزاتسياسىنىڭ تازارتۋ قۇرىلىستارىن سالۋ بويىنشا جۇمىستار باستالدى. كەيبىر جولداردىڭ جوبالارى بويىنشا قايتا ارالاۋ بارىسىندا ايتىلعان ۇسىنىستاردى ەسكەرە وتىرىپ, تۇزەتۋ جۇمىستارى جۇرگىزىلەدى.
