قوعامدىق ورىنداردا, كوشەلەردە ءتارتىپتى قاداعالاۋ ماقساتىندا ۇيىمداستىرىلعان جەدەل الدىن الۋ شاراسىندا جەرگىلىكتى پوليتسيا قىزمەتى 2300-گە جۋىق اكىمشىلىك قۇقىق بۇزۋشىلىقتى انىقتاعان.
قالا كۇنى قارساڭىندا وتكەن كەزەكتى رەيدتە ەكى كۇن ىشىندە 330 ادامنىڭ ىشىمدىك ىشكەنى بەلگىلى بولدى. اباتتاندىرۋ ەرەجەسىن 240 ادام بۇزسا, ۇساق بۇزاقىلىق بويىنشا 160 دەرەك تىركەلگەن. اتا-اناسىنىڭ رۇقساتىنسىز كوشە كەزىپ جۇرگەن 62 ءجاسوسپىرىم جاۋاپقا تارتىلىپتى.
استانا قالاسى ءىىد جەرگىلىكتى پوليتسيا قىزمەتىنىڭ ينسپەكتورى ءلاززات بيسەمباەۆانىڭ ايتۋىنشا, جول قوزعالىسىن باقىلايتىن پوليتسەيلەر 197 – جىلدامدىقتى اسىرۋ, 254 – قاۋىپسىزدىك بەلدىگىن تاقپاۋ, 110-ۇيالى تەلەفونمەن سويلەسۋ جانە 11 ادامنىڭ ءىشىپ الىپ اۆتوكولىك جۇرگىزگەنىن انىقتاعان.
