مەملەكەت باسشىسى قاسىم-جومارت توقاەۆ نۇر-سۇلتان قالاسىنىڭ اكىمى التاي كولگىنوۆتى قابىلدادى. پرەزيدەنتكە 11 اي ىشىندەگى ەلوردانىڭ الەۋمەتتىك-ەكونوميكالىق جانە ينفراقۇرىلىمدىق دامۋى تۋرالى اقپارات بەرىلدى. سونىمەن قاتار مەملەكەت باسشىسىنا نۇر-سۇلتان قالاسىنداعى ەپيدەميولوگيالىق احۋالدى تۇراقتاندىرۋ ءۇشىن جۇزەگە اسىرىلىپ جاتقان شارالار جانە حالىققا ۆاكتسينا سالۋ جۇمىستارىنىڭ بارىسى تۋرالى باياندالدى.
[smartslider3 slider=1565]
قاسىم-جومارت توقاەۆ التاي كولگىنوۆكە جىلۋمەن قامتۋ, ينفراقۇرىلىم, ينجەنەرلىك جەلىلەر, الەۋمەتتىك تۇرعىن ۇيلەر مەن نىسانداردىڭ قۇرىلىسى سياقتى سالالار بويىنشا قوردالانعان ماسەلەلەردى شەشۋگە قاتىستى, سونداي-اق شاعىن جانە ورتا بيزنەستى دامىتۋ, جاڭا جۇمىس ورىندارىن اشۋ ءۇشىن قولايلى جاعداي جاساۋ جونىندە بىرقاتار تاپسىرما بەردى.
