ەلورداداعى كەيبىر مەكتەپتەردە وقۋشىلارعا سىنىپ ءىشىن جيناتۋ تاجىريبەسى ەنگىزىلىپ جاتقانى جايلى گازەتىمىزدىڭ وتكەن نومىرىمىزدە جازعان ەدىك. ارتىنشا بۇل ىسكە قالالىق ءبىلىم باسقارماسىنىڭ قىزمەتكەرلەرى دە قوسىلدى.
اتالعان ۆەدومستۆو باسشىسى ءانۋار جانعوزيننىڭ ايتۋىنشا, جوعارىداعى تاجىريبە ءار وقۋشىعا ەدەن جۋدى مىندەتتەمەيدى, ول اسحانادا ءوز ىدىسىڭدى جيناپ كەتۋ نەمەسە ساباقتان كەيىن سىنىبىڭدى تازا كۇيىندە قالدىرۋ سەكىلدى قاراپايىم جۇمىستاردان باستالادى.
– تەك سىرتتان باقىلاۋشى ءرولىن اتقارماس ءۇشىن مەن بۇگىننەن باستاپ ءار كەش سايىن ءوز كابينەتىمدى تازالاۋ ارقىلى تەحنيكالىق قىزمەتشىلەردىڭ جۇمىسىن جەڭىلدەتىپ, كومەكتەسكىم كەلەدى. بۇعان بىلاي قاراعاندا 15-20 مينۋت قانا ۋاقىت كەتەدى, – دەپ جازدى ول ءوزىنىڭ Facebook پاراقشاسىندا.
وسىلايشا ءا.جانعوزين #وزىڭنەنباستا اتتى تازالىق ەستافەتاسىن ەلوردالىق ءبىلىم بەرۋ ۇيىمدارىنىڭ باسشىلارىنا جولدادى.
