كوممۋنالدىق قىزمەتتەرگە قار تازالاۋ مەرزىمىندە ورامىشىلىك اۋماقتاردا, كوشەدە تۇرعان كولىكتەردىڭ كەدەرگى كەلتىرۋ جاعدايلارى ءجيى كەزدەسەدى.
جاقىندا سارىارقا اۋدانى اكىمدىگىنىڭ قىزمەتكەرلەرى نۇر-سۇلتان قالاسى توتەنشە جاعدايلار دەپارتامەنتى وكىلدەرىمەن بىرگە قالاداعى كاسىپكەرلىك نىساندار يەلەرىمەن كەزدەسىپ, وسى ماسەلە بويىنشا ۇسىنىستارىن ايتتى.
جول بويىندا ورنالاسقان ءدامحانالار, ۇيىمدار مەن كاسىپورىندار, شاعىن جانە ورتا كاسىپ نىساندارى يەلەرىمەن قالىڭ قار جاۋعان كەزدە جۇك جانە جەڭىل اۆتوكولىكتەردى قويۋعا ولاردىڭ تۇراق ورىندارىن پايدالانۋ بويىنشا اڭگىمە جۇرگىزىلدى.
«مۇنداي ورىنداردى پايدالانۋ كوشەلەردى قاردان تازارتۋ كەزىندە اۆتوكولىكتەردىڭ ارنايى تەحنيكاعا كەدەرگى كەلتىرمەي, جۇمىس ىستەۋىنە ىقپال ەتەدى» دەيدى سارىارقا اۋدانى اكىمدىگىنىڭ قىزمەتكەرلەرى.
