استانا قالاسىندا «جاس شۋاق» جازعى لاگەرى اشىلدى. مۇندا جازعى دەمالىستىڭ ءۇش ايىندا جاعدايى تومەن جانە كوپبالالى وتباسىلاردان 100 بالا دەمالادى.
بۇل يگى ءىس «اقنيەت» جەكە قورىنىڭ دەمەۋشىلىك كومەگىنىڭ ارقاسىندا جۇزەگە اسىرىلىپ وتىر. جازعى لاگەردە 80 بالا مەن جاسوسپىرىمدەردىڭ قابىلەتتەرىن تانىتۋىنا مۇمكىندىك بەرىلىپ, جالپى جانە پسيحولوگيالىق ساۋلىعىن نىعايتۋ ءۇشىن شىعارماشىلىق, الەۋمەتتىك جانە سپورتتىق ءىس-شارالار كەشەندى تۇردە ۇيىمداستىرىلماق. سونىمەن قاتار, قور اتىنان بۋراباي دەمالىس ايماعىندا ورنالاسقان «كونتينەنت» بالالاردى ساۋىقتىرۋ ورتالىعىنا ارنالعان 10 كۇندىك جولدامالار 20 بالاعا سالتاناتتى تۇردە تابىس ەتىلدى.
