جىل اياعىندا جاڭا نىساندار اشىلادى
استانا قالاسىنىڭ اكىمى ادىلبەك جاقسىبەكوۆ سالىنىپ جاتقان ءبىلىم بەرۋ جانە دەنساۋلىق ساقتاۋ نىساندارىن ارالادى.
جىل اياعىنا دەيىن ەسىل اۋدانىندا 200 ورىندىق بالاباقشا اشىلادى. نىسان جاڭا تۇرعىن اۋداندا ورنالاسقان. ەلوردا اكىمى № 26, № 37, № 38 جانە حۋسەين بەن تالال كوشەلەرىنىڭ قيىلىسىندا سالىنىپ جاتقان 1200 ورىندىق مەكتەپكە باردى. وتە قولايلى جەردە ورنالاسقان جاڭا وقۋ ورداسى دا جىل سوڭىندا پايدالانۋعا بەرىلەدى.
سونداي-اق, ەلوردا باسشىسى دەنساۋلىق ساقتاۋ سالاسى نىساندارىمەن دە تانىستى. اتاپ ايتقاندا, قابانباي باتىر داڭعىلى مەن №30 كوشەنىڭ قيىلىسىندا اۋدانى 65 مىڭ شارشى مەتردى قۇرايتىن 250 ورىندىق قالالىق بالالار جۇقپالى اۋرۋلار اۋرۋحاناسى, تەمىرجولشىلار تۇرعىن الابىندا ورنالاسقان 500 ورىندىق تۋبەركۋلەزگە قارسى ديسپانسەر, سونىمەن بىرگە ءبىر اۋىسىمدا 150 كەلۋشىنى قابىلداي الاتىن 250 ورىندىق مەديتسينالىق-سانيتارلىق وڭالتۋ ورتالىعى ىسكە قوسىلماق.