ينۆەستيتسيالىق باعدارلامالار بويىنشا جىلۋ بەرۋ قۇبىرلارىن جاڭارتۋعا 1 ملرد 333 ملن تەڭگە ءبولىندى. بۇل تۋرالى «استانا-تەپلوترانزيت» اق باسشىسى باعدات ازباەۆ ءمالىم ەتتى.
«نۇر-سۇلتان قالاسىندا 867 جىلۋ بەرۋ قۇبىرى بار, ونىڭ ىشىندە 860 سۋ جۇرەتىن قۇبىر جانە تاعى باسقالارى. ورتالىق ۋچاسكەگە كەلەتىن بولساق, بىزدە 270 شاقىرىم ماگيسترال بار. شىعىندار, وقشاۋلاۋ, جوسپارلى تەحنولوگيا بويىنشا جىلۋ بەرۋ قۇبىرىنىڭ ۇزىندىعى – 614 شاقىرىم. ەگەر قۇبىرلاردىڭ ورتاشا توزۋ دەڭگەيىن ەسكەرەتىن بولساق, 2020 جىلعا قاراي كورسەتكىش 56 پايىزدى قۇرادى. 2021 جىلى ينۆەستيتسيالىق باعدارلامالار بويىنشا 1 ملرد 498 ملن تەڭگە ءبولىندى. ونىڭ ىشىندە جىلۋ قۇبىرلارىن قايتا قۇرۋعا – 1 ملرد 333 ملن تەڭگە» دەپ ءتۇسىندىردى باعدات ازباەۆ.
باسقارما توراعاسىنىڭ ورىنباسارى ەرجان قۇماتاەۆ جوسپار بويىنشا ەڭ الدىمەن كۇيشى دينا كوشەسىندەگى جىلۋ قۇبىرى نىسانى قايتا جوندەۋدەن وتكەنىن ايتتى. بۇگىنگى تاڭدا جۇمىستىڭ 90 پايىزدان استامى اياقتالدى. قازىر كەسىندىلەر بولىگىندە, سونداي-اق اباتتاندىرۋ بويىنشا جۇمىستار جۇرگىزىلۋدە. پايدالانۋ بولىگىندە سەنىمدىلىك ارتتى. سونداي-اق قۇبىر جۇيەسى جەدەل قاشىقتان باقىلاۋ جۇيەسىمەن (جقب) جابدىقتالعان توتەنشە جاعدايلاردى, دىمقىل وقشاۋلاۋ بەتتەرىن انىقتاۋ ءۇشىن قاجەت.
كەلەسى ۋچاسكە – «اقبۇلاق» شاعىن اۋدانىنداعى «گازوۆيك» جىلۋ تراسساسىن قايتا جاڭارتۋ. «قايتا جوندەۋ جۇمىسى ءۇش ءۇيدى قامتيدى. جولدىڭ قاشىقتىعى – 1778 مەتر. جۇمىستىڭ 80 پايىزى اياقتالدى. قۇبىردى قايتا قۇرۋداعى ەكىنشى كەزەڭ بويىنشا جۇمىس جالعاسۋدا. سونىمەن قاتار اباتتاندىرۋ جۇمىستارى جۇرگىزىلۋدە. بۇل ۋچاسكە اپاتتى بولدى. قۇبىرلاردى 15-10 جىل بۇرىن پيك سالعان. ءبىر جىل بۇرىن ۇلكەن اپات بولعاندىقتان, بۇزىلعان جەلىلەردىڭ ساپاسى وتە ناشار. قازىر جۇمىس ءساتتى اياقتالۋدا» دەدى ەرجان قۇماتاەۆ.
