كەشە استانادا جىلى ايالدامانىڭ ەرەكشە ءبىر ءتۇرى ەل يگىلىگىنە بەرىلدى. ەرەكشەلىگى سول ايالدامانىڭ ىشىندە دۇكەن مەن قوعامدىق دارەتحانا جۇمىس ىستەيدى.
جىلى ايالداما بۇل جولى قالانىڭ شەت جاعىنا ورناتىلدى. جاعالاۋ شاعىن اۋدانى ە-10 كوشەسىندە ورنالاسقان شاعىن عانا نىسان 16 شارشى مەتردى قۇرايدى. مۇندا جىلىتقىش ورناتىلىپ, پاۆيلون ءىشىن 23 گرادۋستا ۇستاپ وتىرادى. ال دۇكەن 06:00-دە اشىلىپ, 22:00-دە جابىلادى. وندا 4 قىزمەتكەر 8 ساعاتتان جۇمىس ىستەيدى. دارەتحاناعا كىرۋ قۇنى – 50 تەڭگە.
جوبا ينۆەستورلار ەسەبىنەن جۇزەگە اسىرىلىپ وتىر. «اقىلدى-جىلى» جوباسىنا امەريكالىق «I-Stop» كومپانياسى 100 ملن دوللار كولەمىندە قارجى بولگەن. ال ءبىر ايالدامانىڭ قۇنى شامامەن 23 ملن تەڭگەنى قۇرايدى. بۇل ەلوردادا سوڭعى جىلدارى سالىنعانداردان ەكى ەسەگە قىمبات. ەندى 2019 جىلدىڭ سوڭىنا دەيىن وسىنداي 50 ايالداما سالىنۋ جوسپارلانىپ وتىر. ەسىل اۋدانىنىڭ اكىمى تولەگەن زاكاريانوۆتىڭ ايتۋىنشا, ونىڭ ءبارى قالانىڭ ورتالىعىندا ەمەس, جۇرت كوپ جۇرەتىن, سونداي-اق جىلى ايالداماسى جوق تۇستارعا سالىنادى.
جاقىندا وسىنداي ايالداما «بايتەرەك» جانىنان اشىلادى.
