Елорда күніне орай қалада 5 пен 16 жас аралығындағы балалар мен жасөспірімдерге арналған «Астана Ханшайымы – 2024» сұлулық байқауы ұйымдастырылды, деп хабарлайды astana-akshamy.kz
Байқауға Астана, Ақтау, Қонаев, Қызылорда, Орал және Павлодар қалаларынан 45 бала қатысты. Іс-шара елорда әкімдігінің қолдауымен ұйымдастырылды.
«Ауқымды іс-шара Қазақстанның түкпір-түкпірінен көптеген жұлдыздар келді. Мен бал биін билеймін, толқып тұрмын. 13 пен 16 жас аралығындағы 3 жас санатында өнер көрсетемін. Әрине, жеңіске жетуді көздеп отырмын, – деді байқауға қатысушы Ямура Қабикенова.
Сұлулық байқауының негізгі мақсаты – балалар мен жасөспірімдердің кимешек, сәукеле, жаулық, қамзол, бас киім (тақия) сияқты ұлттық киімдердің құндылығын бейнелейтін қазақ халқының мәдени мұрасымен байланысын қалпына келтіру.
«Осы күнге дейін ата-анамның қолдауымен бір айдан астам уақыт бойы биге дайындадым. Толқып тұрмын, дегенмен бүгін өзімді жақсы жағынан көрсетіп, жүлделі орынға ие боламын деп үміттенемін. Байқаудың барлық қатысушыларына сәттілік тілеймін!» – деді байқауға қатысушы Айзере Құрманғалиева.
