Астанада «Ертегі тыңда» жобасы іске қосылды
![](https://astana-akshamy.kz/wp-content/uploads/2024/06/122-780x470.jpg)
Елордада «Ертегі тыңда» жобасы іске қосылуына орай балалардың алғашқы кездесуі өтті, деп хабарлайды astana-akshamy.kz.
Жобаның мақсаты – 6 жасқа дейінгі балаларға қазақ тілінде сапалы ертегілерді тыңдату арқылы тіл үйрету. Жоба Халықаралық “Қазақ тілі” қоғамының Астана қалалық филиалы және Тәп-тәтті дүкендер желісімен бірлесіп ұйымдастырды. Осыған орай демалыс күндері бір уақытта 8 мекенжайда 80 бүлдіршін мен олардың ата-аналары ертегі тыңдады.
Филиал тарапынан координаторлар және қаладағы 6 балабақшадан ертегі айтатын қазақ тілі мамандар жалпы саны 25 адам жұмыс істеді. «Тәп-тәтті» дүкендер желісі барлық қатысушыларға балалар күніне орай тәттілер ұсынып, өз дүкендерінің аумағын іс-шараны ұйымдастыру үшін тегін берді.
«Ертегі тыңда» жобасы өз жұмысын алдағы уақытта да жалғастырып, нәтижесінде 1-6 жас балаларға сәтті-тәтті ертегілерге таңдау жасалады, арнайы байқаулар ұйымдастырылып, үздік ертегішілер таңдалатын болады.