Жыл басынан бері елордада қызылшаның 2278 бастапқы және 609 расталған жағдайы тіркелді, оның ішінде 14 жасқа дейінгі балалар арасында 429 жағдай кездескен, деп хабарлайды astana-akshamy.
Бұл туралы бүгін Астана коммуникациялар қызметінде өткен брифингте Астана қаласының бас санитариялық мемлекеттік дәрігері Сархат Бейсенова баяндады.
-Мен өткен баяндамамда атап өткенімдей, ауру ересек контингентке ауыса бастады, яғни ондағы қарқынды көрсеткіш 25,2-ден 40,2-ге немесе 37,3% – ға өсті. Бұл ретте, жүргізіліп жатқан қосымша жаппай иммундаудың арқасында желтоқсан айымен салыстырғанда бір жасқа дейінгі, бір жастағы және 2 жасқа дейінгі балалар арасында сырқаттанушылықтың төмендеуін байқап отырмыз. Мәселен, 1 жасқа дейінгі балалардың аурушаңдығы 15% – ға, бір жастағы балалар 8,5% – ға және 2 жастағы балалар тиісінше 21,3% – ға төмендеді, – дейді спикер.
