Құтқарушылар елордалық балаларға мерекелік іс-шаралар өткізеді
![](https://astana-akshamy.kz/wp-content/uploads/2024/05/febc9fda-619d-4eaa-94d9-d1a2c54b261d-780x470.jpg)
Астана қалалық төтенше жағдайлар департаменті 1 маусым – Халықаралық балаларды қорғау күніне және қауіпсіздікті қамтамасыз етуге арналған кең ауқымды іс-шаралар өткізеді, деп хабарлайды astana-akshamy.kz.
Іс-шараға елордалық құтқарушылар танымдық блиц-сауалнамалар, конкурстар өткізеді, балаларға арналған кеңестермен бөліседі, өз қызметі туралы әңгімелейді, авариялық-құтқару құралдары мен техникалары, кинологиялық қызметтің жұмысын көрсетеді. Барлық іс-шаралар балаларға арналады.
Мерекелік жиын соңы «Қауіпсіздік қаласына саяхат» атты аттракционымен аяқталады, онда балалар мен ата-аналар құтқарушыларды және өрт сөндіру техникасының көрмесін тамашалайды, өздерінің зияткерлік, көркемдік және шығармашылық қабілеттерін көрсетеді және сол үшін сыйлықтармен марапатталады.
Департамент барлық тұрғындарды «Қауіпсіздік қаласына саяхат» іс-шарасына белсенді қатысуға шақырады.