Байқоңыр ауданының әкімі аудан тұрғындарымен осы жылдың 1 жарты жылдығында атқарылған жұмыстар және жыл соңына дейінгі жоспар аясында есептік кездесу өткізді, деп хабарлайды astana-akshamy.kz/.
Кездесуге барлығы 250-ден аса тұрғын, Астана қаласы басқармаларының басшылығы, қалалық коммуналдық қызмет өкілдері қатысты. Кездесу барысында қойылған сұрақтардың басым бөлігі – абаттандыру жұмыстарына бағытталды.
Биыл бұл ауданда 44 аула аумағын абаттандыру жоспарлануда. Оның ішінде 22 аула – «Халық қатысатын бюджет» жобасы бойынша жүзеге асырылады. Бүгінгі таңда 3 аула абаттандырылып, тұрғындар игілігіне берілді. Осылайша, аудандағы барлық аулаларды толығымен абаттандыру көзделуде. Сонымен қатар, 70 аула аумағында жөндеу-қалпына келтіру жұмыстары жүргізілетін болады.
