«Astana Polytechnic» жоғары колледжінің 4-курс студенті Дархан Қапаров – Ресейдің Санкт-Петербург қаласында өткен кәсіби шеберлік бойынша «Профессионалы» чемпионатына ел намысын қорғап барған жалғыз үміткер.
5 күнге созылған чемпионатқа Ресейдің және басқа елдердің әртүрлі саладағы кәсіби оқу орындарының үздік студенттері, жас мамандар, жоғары сынып оқушылары қатысқан.
Дархан Қапаров 687 қатысушының арасынан «Ұйымдардың бизнес процестерін автоматтандыру» халықаралық зачетында жүзден жүйрік шығып, жүлделі 1-орынды жеңіп алды, сөйтіп Қазақстан чемпионатта 2-орынды иеленді.
