Сұр тырна – Қазақстандағы қорғалатын құстардың бірі, деп хабарлайды astana-akshamy.kz
Еліміздің Қызыл кітабына енген сирек кездесетін сұр тырна (Grus grus) «Бурабай» мемлекеттік ұлттық табиғи паркінің аумағында орнатылған фототұзақ камерасына түсті.
Табиғи мекендеу орындарының жоғалуы мен адам қызметінің нәтижесінде оның саны айтарлықтай азайды. Сондықтан бұл сирек кездесетін құсты байқаудың әрбір жағдайы тіркеліп, орнитологтар мен табиғатты қорғаумен айналысатындар үшін маңызды оқиғаға айналды.
«Біздің ауданда сұр тырнаны көру – біздің ұлттық парктің жануарлар әлемін қорғау үшін қабылдаған шараларының тиімділігін растайтын тамаша жаңалық. Біз құстардың мұндай сирек кездесетін түрлерінің өзін қауіпсіз сезінетінін көргенімізге өте қуаныштымыз», – деп түсіндірді «Бурабай» МҰТП ғылым, ақпарат және экологиялық мониторинг бөлімінің аға ғылыми қызметкері Евгений Архипов.
Ол бұл құстардың мекендейтін жерлері туристер үшін жабық ұлттық парктің бірнеше аймағында ғана тіркелгендігін атап өтті
