Елордада «Таза дүйсенбі» экоакциясы өтті
![](https://astana-akshamy.kz/wp-content/uploads/2024/06/75b44a80-22f7-4e05-8763-a83aa17584be.jpg)
Астанада «Таза Қазақстан. Астана – тазалық пен тәртіптің үлгісі» ауқымды экоакциясы аясында «Жасыл ел» жастар еңбек жасақтары кезектегі «Таза Дүйсенбі» 7 акциясын өткізді. Астана қаласының Жастар саясаты мәселелері басқармасының қолдауымен «Республикалық студенттік құрылыс және жастар жасақтары қозғалысы» қоғамдық қорының ұйымдастыруымен өткен іс-шарада елордадағы Республикалық бас мешіт аумағында тазалық жұмыстары және ағаштарына күтім жасалды. Акцияға жалпы 170-тен аса жастар қатысты, деп хабарлайды astana-akshamy.kz.
Акция қаланың экологиялық жағдайын жақсарту және тазалықты сақтау, әрбір аулада тазалық пен тәртіпке саналы, адал көзқарас қалыптастыру. мақсатында өткізіледі.
«Жасыл ел» бағдарламасын іске асыру – мемлекеттік жастар саясатының негізгі басым бағыттарының бірі. Ол жастардың күшімен елімізді көгалдандыру, абаттандыру арқылы студент жастарды еңбекпен қамтамасыз ету, жастар арасында экологиялық тәрбиені насихаттау және достық қарым-қатынасты нығайту, жастардың табиғатқа қамқорлықпен қарап, өзінің жеріне, еліне деген сүйіспеншілігін қалыптастыру мақсатында ұйымдастырылып жүр. Бүгінгі іс-шара барысында Өндіріс тұрғын алабының айналасын тазарту жұмыстары жүргізілді. Экологиялық сана мен мәдениетті қалыптастыруымыз керек. Оны әркім өзінен бастағаны жөн», – деді Марат Мұхамеджанов.
Айта кетейік, биыл «Жасыл Ел» еңбек жасақтарының XX еңбек маусымы басталды.
Жоба аясында елорда бойынша 4200-ден астам 14 пен – 35 жас аралығында жастар жұмыспен қамтамасыз етіледі. Олар қаламыздың құрылыс нысанындарына, қала маңындағы «жасыл белдеуде», әлеуметтік нысандарды, жалпы білім беретін мекемелер аумағында, қала саябақтарына, көгалдандыру жұмыстарына жұмылдырылады.