Астана қаласының спортшысы Әмір Маймұратов спорттық құзға өрмелеуден Олимпиада жолдамасын иеленді, деп хабарлайды astana-akshamy.kz.
Спорттық құзға өрмелеуден Қазақстан командасының өкілі Әмір Маймұратов Будапештегі (Венгрия) іріктеу турнирінен сәтті өтті.
Ол жылдамдық бойынша финалға жетіп, күміс жүлде иеленді.
Шешуші сында қытайлық У Пэнге есе жіберіп қойды.
Айта кетелік, іріктеу турнирі екі кезеңнен тұрды. Біріншісі Шанхайда, екіншісі Будапеште өтті.
Олимпиадаға жолдама алу үшін екі кезең қорытындысы бойынша алғашқы жетілікке ену керек.
Маймұратов жалпы есепте үшінші орын иеленіп, олимпиадалық жолдаманы қоржынға салды.
