Мектеп жасына дейінгі балаларға арналған қалалық «Елорданың еркетайы» өнер байқауының қорытындысы шықты, деп хабарлайды astana-akshamy.kz
Кеше мемлекеттік білім беру тапсырысы орналастырылған жекеменшік балабақшалардың мектепалды даярлық топтары арасында қалалық «Елорданың еркетайы» өнер байқауы өтті. М.Өтемісұлы атындағы Оқушылар сарайында өткен іс-шараның қалалық кезеңінде «Вокалдық топ», «Вокал», «Хореография», «Балалар музыкалық аспаптарында ойнау» номинациялары бойынша 74 өнер шығармасы қазылар алқасы назарына ұсынылды.
Қазақ Ұлттық өнер университеті өнер кафедрасының, Оқушылар сарайы мен №2 Өнер мектебінің, №1 балалар музыка мектебінің оқытушылары және «Астана хореографтары» қоғамдық бірлестігінің төрағасы қызмет атқарған қазылар алқасының шешімімен «Елорданың еркетайы» қалалық өнер байқауының 4 номинациясы бойынша жеңімпаздар мен жүлдегерлер анықталды. Олар – «Вокал» (жеке орындау) номинациясы: Бас жүлде – 1, І орын – 7, ІІ орын – 7, ІІІ орын – 5. «Вокалдық топ» номинациясы: Бас жүлде –1, І орын – 7, ІІ орын – 8, ІІІ орын – 4. «Балалар музыкалық аспаптарында ойнау» номинациясы: Бас жүлде – 1, І орын – 1, ІІ орын – 2, ІІІ орын – 2. «Хореография» номинациясы: Бас жүлде –1, І орын –6, ІІ орын –10, ІІІ орын – 11. Байқаудың нәтижесінде номинацияларда үздік шыққандарға «Астана дарыны» орталығының кубогы мен Бас жүлде дипломы, жүлдегерлерге І,ІІ,ІІІ дәрежелі дипломдар, ынталандыру грамотасы табысталады. Сонымен қатар жеңімпаз бен жүлдегер топтарына сыйлықтар берілді.
