Елорданың жеке автобус парктері жаңа автобустар сатып алуды жалғастыруда, деп хабарлайды astana-akshamy.kz.
Парктер Қытайдың 12 метрлік «HIGER» маркалы 20 жаңа автобустарымен толықты. Оның 15-ін № 3 жеке автобус паркі сатып алды. Қазір оның 8-і жеткізілді, қалғаны алдағы күндері жеткізіледі. Ал, 5 автобусты № 7 жеке автобус паркі сатып алды.
Айта кету керек, өткен жылдың соңында № 3 автобус паркі осындай 21 автобус алды және қазіргі уақытта олар бағдарларда жүр. Жылжымалы құрамды жаңарту жұмыстары бұдан әрі де жалғасады.
