Ел тынысы
Есілді кесіп өтуге бәстескен бозбала суға кетті
![](https://astana-akshamy.kz/wp-content/uploads/2024/06/proxy-image-1-2.jpg)
Досымен Есіл өзенін кесіп өтуге бәстескен 2007 жылы туған жеткіншек суға кетті, деп хабарлайды astana-akshamy.kz.
«12 маусымда Астанада Есіл өзенінде 2007 жылы туған жасөспірім суға батып кетті. Бозбалалар өзеннің бір бетінен келесі бетіне жүзіп өтуге бәстескен. Алайда оқиға соңы, өкінішке қарай, жасөспірімнің суға батуымен аяқталып отыр», – делінген Астана қалалық Төтенше жағдайлар департаментінің ақпарында.
Елордалық құтқарушылар сағат 19:02-де жеткіншектің денесін судан алып шыққан.
Осы орайда, қалалық ТЖД тұрғындарға суға түскенде қауіпсіздік ережелерін сақтау керектігін тағы бір ескертеді.