Астана даму орталығында СІМ Инвестициялар комитетінің төрағасы Ғабидулла Оспанқұлов пен Астана қаласы әкімінің орынбасары Есет Байкеннің төрағалығымен кездесу өтті, деп хабарлайды astana-akshamy.kz
Іс-шараға Астана қаласының Инвестициялар және кәсіпкерлікті дамыту басқармасының басшысы Халел Әкімжанов, сондай-ақ «Астана даму орталығы» ЖШС Басқарма төрағасы Ринат Ақбердин және «Astana Invest ҚДИО»ЖШС Басқарма төрағасы Асхат Бекеев қатысты.
Кездесудің басты тақырыбы әкімдіктің фронт-офистерінде инвестициялық жобаларды жүзеге асыру барысы туралы болды. Олар – «Астана даму орталығы» мен «Astana Invest».
Сонымен қатар, іс-шара аясында инвесторлармен кездесу өткізіліп, елорданың инвестициялық жобаларының өзекті мәселелері мен перспективалары талқыланды. Қатысушылар ағымдағы жобалар туралы пікір алмасты, жаңа бастамалар мен ынтымақтастықтың ықтимал бағыттарын талқылады.
