Елордалық Жетісу саябағында жастарға арналған «Jastar Talks» форматында кездесу өтті. Іс-шараға журналист және халықаралық жаттықтырушы Махаббат Есен, «Астана жастары» еріктілері мен қала жастары қатысты, деп хабарлайды astana-akshamy.kz.
Іс-шараны Астана қаласы Жастар саясаты мәселелері басқармасы және «Астана жастары» жастар ресурстық орталығы ұйымдастырды.
«Бұл кездесу Журналистер күніне орай өтіп жатыр, талқылау барысында мен өз тәжірибеммен бөлістім. Журналистикада менің 25 жылдық тәжірибем бар. Сөйлесу форматы жеңіл және ашық болды. Өзім бір-екі сағат бұрын Германиядан оралғанмын, онда әлемнің түкпір-түкпірінен келген журналистермен бірге ғаламдық сайтқа бардым. Ал бүгін біз журналистика мен медианың әлемдік трендтері, сондай-ақ біздің медиа қоғамдастықтың немен айналысып жатқаны туралы әңгімелестік. Жан-жақты сауатты болу керек», – деді Махаббат Есен.
Іс-шараға қатысушылармен кездесу барысында журналистика саласындағы заманауи мәселелер және жасанды интеллекттің медиаға әсері талқыланды. Сондай-ақ спикер Махаббат Есен шабыт пен мотивацияны қалай алуға болатындығы туралы айтты.
«Бүгінгі іс-шара танымдық емес, мотивациялық болды. Спикер өз мамандығының қыр-сырын түсіндірді. Жастардың болашақ жұмысы туралы түсінігі болуы және олардың қай жерде дамығысы келетінін анықтай алуы үшін мұндай іс-шаралар міндетті түрде қажет екеніне сенімдімін. Бұған дейін мен Мәжіліс депутатымен саяси сала туралы әңгімелеген кездесулерге қатыстым. Бірақ бүгін БАҚ-пен кездесуге қатысу да қызықты болды», – деді «Астана жастары» еріктісі Федор Ермоленко.
«Астана Жастары» жастар ресурстық орталығының маманы Алуа Балтабаева атап өткендей, жоба 2020 жылдан бастап жүзеге асырылуда.
«Бүгін біз Махаббат Есенмен ашық кездесу өткіздік. Бұл іс-шара жастарға қызықты диалогқа қатысуға мүмкіндік берді», – деді ол.
«Jastar Talks» жобасы әлі де жалғасады.
