Erteŋnen bastap el ömırınde bırqatar özgerıster bolatyny belgılı, dep habarlaidy astana-akshamy.kz
Endeşe, 1 mausymnan bastap azamattarymyzdy qandai özgerıster kütıp tūr? BAQ.KZ tılşısınıŋ şoluyna nazar audaraiyq.
1 mausym – Halyqaralyq balalardy qorǧau künı
Būl künı balalardyŋ ömırın, qūqyǧyn, densaulyǧyn qorǧau, olarǧa qamqorlyq jasau jan-jaqty därıpteledı.
Balalarǧa arnalǧan köptegen mädeni ıs-şara ūiymdastyrylyp, jalpyhalyqtyq deŋgeide atalyp ötıledı.
Sabaq aiaqtalyp, emtihandar bastalady
Qazaqstannyŋ üş öŋırınde oquşylar aralyq jäne qorytyndy emtihandardan bosatyldy. Su tasqynynan zardap şekken öŋırlerdegı 3,5 myŋnan astam oquşy aralyq jäne qorytyndy emtihan tapsyrmaidy. Olardyŋ qatarynda Atyrau, Aqtöbe jäne Soltüstık Qazaqstan oblystarynyŋ bılım aluşylary bar. Olardyŋ qorytyndy baǧasy jyldyq baǧalary negızınde şyǧarylady.
– 9 jäne 11-synyptardy bıtıruşıler üşın qorytyndy emtihandar 28 mamyr men 11 mausym aralyǧynda ötedı.
– Alǧaş ret 5-8, 10 synyp oquşylary üşın qazaq tılın meŋgeru deŋgeiın baǧalau maqsatynda qazaq tılınen aralyq emtihandar ötedı.
– Kolledj tülekterınıŋ qorytyndy attestattauy 28 mausymǧa deiın aiaqtalady.
Tülekterge attestattar tapsyru saltanaty 12-15 mausym aralyǧyna belgılendı.
Qazaqstandyqtar şetelge jiı ūşa alady
– «Uzbekistan Airways» äue kompaniiasy biyldyŋ 1 mausymynan bastap jaŋa Almaty-Nökıs äue baǧyty boiynşa tūraqty reisterdı oryndai bastaidy. Reister aptasyna ekı ret (särsenbı jäne senbı künderı) 174 oryndyq «Eirbas-A320» ūşaǧynda oryndalady.
– Air Astana 15 mausymnan bastap Astana men Seul arasyndaǧy reisterdı qalpyna keltırudı josparlap otyr. Tasymaldauşy aptasyna ekı ret: särsenbı jäne senbı künderı reister oryndaidy. Baǧytta 166 jolauşyǧa arnalǧan Airbus-A321LR ūşaǧy qatynaidy. Reis alty jarym saǧatqa sozylady. Äue biletınıŋ qūny bır jaqqa şamamen 210 myŋ teŋgenı qūraidy.
– SCAT äuekompaniiasy biyl 8 mausymnan bastap Astana – Batumi baǧyty boiynşa aptasyna 2 reis jiılıgımen äue qatynasyn qaita jaŋartudy josparlap otyr. Reister seisenbı jäne beisenbı künderı «Boing-737» tiptı äue kemelerımen oryndalady. Sondai-aq biyl şılde aiynan bastap reisterdıŋ jiılıgı aptasyna 3 retke deiın artady dep kütılıp otyr. Iаǧni jolauşylar seisenbı jäne beisenbımen qosa, senbı künderı de Astana – Batumi baǧyty boiynşa jolǧa şyǧa alady.
– Air Astana Europaǧa jazǧy kurorttyq baǧyttardy jandandyrady. Äue kompaniiasy Europanyŋ körıktı qalalary İraklionǧa (Grekiia) jäne Podgorisaǧa (Chernogoriia) mausymdyq jazǧy reisterdıŋ qaita bastalatyny turaly quana habarlaidy.
Almatydan Krit aralynda ornalasqan İraklionǧa reister 6 mausymda düisenbı, beisenbı jäne senbı künderı aptasyna 3 ret jiılıkpen bastalady. Ūşular Airbus A321LR avialainerınde 6 saǧat 30 minut ūşu ūzaqtyǧymen oryndalady. Qazaqstan azamattaryna Grekiiaǧa kıru üşın şengen vizasy qajet.
İraklionnan Afinaǧa jergılıktı tūraqty reistermen jetuge bolady, olar şamamen bır saǧatty alady, sondai-aq parommen tanymal Santorini araldaryna deiın jetuge bolady. Barlyq alymmen ekı jaqqa bilettıŋ eŋ tömengı qūny ekonom-klasta 307 959 teŋge.
Almatydan Chernogoriianyŋ astanasy Podgorisaǧa reister 8 mausymnan bastap jäne seisenbı, jūma jäne senbı künderı qatynaidy, al Astanadan Podgorisaǧa reister 9 mausymnan bastap düisenbı, beisenbı jäne jeksenbı künderı jüzege asyrylady.
Elektr energiiasyna kım az töleidı?
«Astanaenergosbyt» JŞS QR ŪEM Tabiǧi monopoliialardy retteu komitetınıŋ Astana qalasy boiynşa departamentıne zaŋdy tūlǧalar üşın elektr energiiasyna tariftı 1 kVt/saǧatyna 38,35 teŋgeden 31,45 teŋgege deiın iaǧni 18%-ǧa tömendetu turaly habarlama berdı. Komitet mälımetınşe, tömendetılgen tarif 2024 jylǧy 1 mausymnan bastap qoldanysqa engızıledı.
Sonymen qatar «Sevkazenergosbyt» JŞS QR ŪEM Tabiǧi monopoliialardy retteu komitetınıŋ Soltüstık Qazaqstan oblysy boiynşa departamentıne zaŋdy tūlǧalar üşın elektr energiiasyna baǧa (QQS-syz) 1 kVt/saǧatyna 27,87 teŋgeden 25,88 teŋgege deiın iaǧni 7,1%-ǧa tömendetu turaly habarlama berdı. Tömendetılgen baǧa 2024 jylǧy 1 mausymnan bastap qoldanysqa engızıledı.
Almatyda jol jöndeledı
1 mausymnan bastap jyl soŋyna deiın Almatyda 310 myŋ şarşy metr asfaltbeton jabyny bar joldardy jöndeu josparlanǧan. Taldau körsetkendei, Almatyda şūŋqyrlardy jöndeudıŋ şamamen 90%-y 5 jyldan astam ortaşa jöndeu jürgızılmegen joldarǧa, sondai-aq injenerlık jelılerdı salu jäne jöndeu jürgızılgen uchaskelerge tiesılı.
Ürjarǧa reis aşylady
QAZAQ AIR 1 mausymnan bastap Almaty men Astanadan Ürjarǧa äue reisterın aşady.
Turistık baǧyttar mynadai bolady:
Astana – Ürjar – Astana jäne Almaty – Ürjar – Almaty.
Reister aptasyna 4 ret jiılıkpen jaŋa generasiialanǧan de-Havilland Dash 8-Q400 kanadalyq äue kemesınde oryndalady.
Qūrban ait
Mausymda qazaqstandyqtar Qūrban ait meiramyn toilaidy.
Qūrban ait meiramy 17 mausymda düisenbıge kelıp tūrǧandyqtan, bes kün jūmys ısteitın qazaqstandyqtar 15,16 jäne 17 mausym demalady.
Änşı balalar festivalı
1 mausymda «Änşuaq» balalar änderı festivalınıŋ jeŋımpazdary belgılı bolady. Biyl elımızde alǧaş ret Halyqaralyq balalardy qorǧau künıne arnalǧan «Änşuaq» balalar änderınıŋ festivalı ötıp jatyr. Osy jyldyŋ 1 aqpanynan bastap #ÄNŞUAQ heştegımen 13 myŋnan astam beine jariialanym jäne 12 millionǧa juyq qaralym jinaldy. Festivaldıŋ maqsaty – öskeleŋ ūrpaqty dästürlı tarihi, ruhani, mädeni qūndylyqtar negızınde adamgerşılık pen azamattylyqqa tärbieleu.
Veip satuǧa tyiym salynady
2024 jylǧy 20 mausymda Qazaqstan Respublikasynyŋ Qylmystyq kodeksıne jaŋa bap küşıne enedı. Qazaqstan Respublikasy Qylmystyq kodeksınıŋ 301-1-babynda temekı şekpeitın temekı önımderınıŋ, elektrondy tūtynu jüielerınıŋ (veipter), hoş iıstendırgışter men olarǧa arnalǧan sūiyqtyqtardyŋ ainalymyna tyiym salu belgılengen.
Qandai jazalar bar?
Satqany jäne taratqany üşın – 200 AEK-ke deiıngı mölşerde aiyppūl salu, ne sol mölşerde tüzeu jūmystary, ne 200 saǧatqa deiın qoǧamdyq jūmystarǧa tartu, ne 50 täulıkke deiın qamauǧa alu.
äkelgenı jäne öndırgenı üşın – 2 000 AEK-ke deiıngı mölşerde aiyppūl saluǧa, ne sol mölşerde tüzeu jūmystaryna, ne 600 saǧatqa deiıngı merzımge qoǧamdyq jūmystarǧa tartuǧa, ne ekı jylǧa deiıngı merzımge bas bostandyǧyn şekteuge, ne sol merzımge bas bostandyǧynan aiyruǧa jazalanady.
2024 jyly 1 AEK 3 692 teŋge.
