Gazet turaly

Täuelsızdık qarsaŋynda Aqmolada kındıgı kesılgen, Elordada basylyp,
barşa respublikaǧa taralatyn basylym – «Astana aqşamy» gazetınıŋ jaryq
köre bastaǧanyna otyz jyldan asty. Osy jyldar ışınde ol ösu-örkendeu
kezeŋderınen ötıp, qalanyŋ tynys-tırşılıgın, alǧan asulary men jetken
jetıstıkterın qalyŋ būqaraǧa jüielı jetkızuşı ǧana emes, el
ruhaniiatyndaǧy, halyq taǧdyryndaǧy özektı mäselelerge ün qosatyn
mazmūny baiyǧan, oiy kemeldengen basylymǧa ainaldy.

Bügınde saiasi, tarihi, tanymdyq maqalalar qatary köbeiıp, mädeni-
ruhani dünielerımen oqyrmandaryn süisındırıp kele jatqan gazettıŋ
qalyptasu jyldaryna köz jügırtsek, 1990 jyldyŋ 13 qazanynan bastap
alǧaşynda «Aqmola aqiqaty» degen atpen aptasyna bır ret jaryq körgen
basylym 1998 jyldyŋ qaŋtarynda – «Aqmola aqşamy» säl keiın «Astana
aqşamy» atanyp, respublikalyq qoǧamdyq-saiasi gazet märtebesıne ie
boldy.

Patşa köŋıldı oqyrmannyŋ ūdaiy üdesınen şyǧuǧa ūmtylatyn
basylymnyŋ qol jetkızgen jetıstıkterı de bır töbe. Sonyŋ bır dälelı – 2002
jyly «Astana aqşamy» gazetı Qazaqstan jurnalistika akademiiasynyŋ
«Altyn jūldyz» syilyǧynyŋ laureaty atandy. Basylym 2018 jyly QR
Prezidentınıŋ Alǧys haty men «Nūr-Sūŋqar» syilyǧyn aldy. Bırneşe
jurnalisı halyqaralyq jäne respublikalyq konkurstardyŋ laureaty
boldy.

Osy jyldar ışınde aptasyna 3 ret jaryq köretın gazettıŋ tanymaldyǧy
artyp, taralymy köbeidı. Oǧan ūjymda är jyldarda eŋbek etken qalamy
jüirık jurnalisterdıŋ özındık qoltaŋbasy qaldy. Olardyŋ arasynda belgılı
qairatker, qalamger Bauyrjan Omarov, jurnalister – Talǧat Batyrhanūly,
Rauşan Tölenqyzy, Qairat Beken, Örıs Iаşükırqyzy, Amangeldı Jūmabek
jäne t.b. bar. Sonymen qatar, tūraqty avtorlar – elımızge belgılı tūlǧalar –
qairatkerler, ǧalymdar, qalamgerler Ömırbek Baigeldı, Jänıbek
Kärıbjanov, Aldan Smaiyl, Serık Tūrǧynbekūly, Jambyl Artyqbaev,

Diqan Qamzabekūly, Ziiabek Qabyldinov, Qoişyǧara Salǧaraūly, Sailau
Batyrşaūly, Quanyş Aitahanov, Quanyş Jienbai jäne basqalardyŋ
yqpaly az bolǧan joq.

Sondai-aq, gazettı är jyldary basqarǧan Kenje Jūmaǧūlov, Jūmagül
Sauhat, Maǧjan Sadyhanov, Nūrtöre Jüsıp, Amantai Şärıp, Erbolat
Qamenov siiaqty bas redaktorlardyŋ da eŋbegı bır töbe.
Qazır gazet redaksiiasyn täjıribelı jurnalist, Qazaqstan Perzidentı
syilyǧynyŋ iegerı, Qazaqstannyŋ eŋbek sıŋırgen qairatkerı Erkın Qydyr
basqarady.

Elımızdıŋ aqparat keŋestıgınde özındık salmaǧy, orny bar bas qalanyŋ bas
basylymy keiıngı kezde jaŋa qūrylymdyq özgerıstermen qatar,
şyǧarmaşylyq ızdenısterımen de bolaşaqqa jaŋa mındetter belgılıp otyr.