Memleket basşysy Qasym-Jomart Toqaev Qazaqstan halqy Assambleiasynyŋ «Bırlık. Jasampazdyq. Örleu» atty HHHIII sessiiasyn ötkızdı. Jiynǧa Parlament Senatyna QHA qatarynan sailanǧan deputattar, respublikalyq etnomädeni bırlestıkterdıŋ jetekşılerı men müşelerı, Assambleianyŋ erıktılerı, sondai-aq beinebailanys arqyly Ūiymnyŋ öŋırlerdegı delegattary qatysty.
Halyq Sızdermen bırge!
Qasym-Jomart Toqaev, eŋ aldymen, elımızdıŋ bırneşe aimaǧyndaǧy tabiǧat apaty saldaryn eŋseru üşın jürgızılıp jatqan auqymdy jūmystarǧa toqtalyp, su tasqyny bastalǧannan berı Qazaqstan halqy Assambleiasy da ortaq ısten şet qalmai, belsendı ärı üilesımdı jūmys ıstep jatqanyn atap öttı. Mūnyŋ bärı özara janaşyr jäne tıleules boludyŋ aiqyn körınısı ekenın aitty.
«Assambleia sessiiasy jyl saiyn Bırlık künı qarsaŋynda ötedı. Al biylǧy basqosu memleketımız üşın kürdelı kezeŋge tūspa-tūs keldı. Şyn mänınde, būl sessiiany däl osy kezde ötkızudıŋ mänı zor. Bırlık pen yntymaq – eşqaşan eskırmeitın qūndylyqtar. Būǧan osy künderde közımız jettı deuge bolady. Halqymyz öte auyr synaqqa tap boldy. Qazaqstan aumaǧynyŋ jartysyn tasqyn su basyp qaldy. Elımızdıŋ myzǧymas bırlıgı osy qiyn künderde aiqyn körındı. Qūtqaruşylar, volonterler, memlekettık qyzmetşıler, sarbazdar, tärtıp saqşylary, qoǧam belsendılerı, biznes ökılderı jäne jastar – bärı bırge jür. Ortaq ısten eşkım şet qalǧan joq. Bükıl aimaqta qoǧamnyŋ barlyq ökılderı bır kısıdei jūmyldy. Otandastarymyz zardap şekken jandarǧa jappai qol ūşyn sozdy. Bır-bırıne şynaiy janaşyr boldy. Men qarǧyn sumen küresuge zor üles qosqan naǧyz otanşyl azamattarǧa şeksız rizamyn» dedı Prezident.
Qasym-Jomart Toqaev qazaqstandyqtar syn saǧatta jūrt bolyp jūmylǧanymyzdy tılge tiek ettı. Ükımet, memlekettık organdar, qūzyrly mekemeler jäne erıktıler bırlese jūmys ıstedı. Sonyŋ arqasynda 119 myŋnan astam adam der kezınde qauıpsız jerge köşırıldı. Onyŋ 45 myŋǧa juyǧy – balalar. Eŋ bastysy, bız adam ömırın barynşa saqtap qaldyq. «Ortalyq jäne jergılıktı memlekettık organdar apat saldaryn joiuǧa bar küşın jūmsap jatyr. Jaǧdaidyŋ odan ärı uşyǧyp ketpeuı – basty nazarda. Qūtqaruşylar kündız-tünı jūmys ıstep jür. Qoǧam belsendılerı jäne volonterler gumanitarlyq kömek jinaudy qolǧa aldy. Halqymyzdyŋ yntymaǧy men joǧary azamattyq jauapkerşılıgı osy kezde aiqyn körındı. Bırqatar aimaqtar infraqūrylymdy jäne bülıngen üilerdı qalpyna keltıruge kırısıp kettı. Būl şaruaǧa ırı biznes ökılderı qosyldy. Elımızdegı kompaniialar, jeke käsıpkerler türlı kömek qorlaryna qomaqty qarjy audardy. Qarajat kün saiyn tüsıp jatyr, kömek qory ūlǧaiady dep senemın. Käsıpkerlerge zor alǧys aitamyn. Bolaşaqta da halqymyzdyŋ igılıgı üşın bırge jūmys ısteimız dep senemın» dedı Memleket basşysy. Eşkım eleusız qalmaitynyn qadap aitqan Prezident: «Zardap şekken azamattarǧa taǧy da aitamyn: bükıl halyq – sızdermen bırge. Köp ūzamai barşaŋyz qalypty ömırge qaita oralasyzdar. Ol üşın memleket bärın jasaidy» dedı.
Strategiialyq mındetterden ainymaimyz
Prezident türlı syn-qaterge qaramastan, elımız strategiialyq maqsat-mındetterınen ainymaitynyna nazar audardy. Onyŋ aituynşa, az uaqyt ışınde jürgızılgen saiasi reformalar nätijesınde bilıktıŋ barlyq tarmaǧy adamnyŋ zaŋdy müddesın, qūqyǧy men erkındıgın qorǧauǧa jäne ony ılgerıletuge negızdelgen jaŋa jüie boiynşa jūmys ıstei bastady. Endıgı mındet – ädıldık, inkliuzivtılık, pragmatizm qaǧidalaryna negızdelgen jäne halyqtyŋ äl-auqatyn arttyrudy közdeitın jaŋa ekonomika ülgısıne köşu.
Būl oraida Qasym-Jomart Toqaev Assambleianyŋ bügıngı sessiiasy «Bırlık. Jasampazdyq. Örleu» dep atalǧanyn, barşa halqymyzdyŋ strategiialyq baǧdarynyŋ tüpkı mänın osy üş ūǧym däl ärı naqty bıldıretının, bırlık pen yntymaq basty qūndylyǧymyz jäne memlekettık saiasattyŋ būljymas baǧdary bolyp qala beretının aitty. Prezident osy maqsatqa jetu üşın oryndaluǧa tiıs bırneşe özektı mındetke arnaiy toqtaldy. Qasym-Jomart Toqaev, eŋ aldymen, Assambleia jūmysyn elımızdıŋ jaŋa gumanitarlyq ideologiialyq doktrinasymen üilestıru qajet dep sanaidy.
«Bız Qūryltaidyŋ Atyraudaǧy otyrysynda negızgı ideologiialyq tūjyrymdardy jinaqtap, jüielep aldyq. Jalpyǧa ortaq qūndylyqtardy aiqyndadyq. Būl – eŋ aldymen, Täuelsızdık jäne Otanşyldyq. Odan keiın – Bırlık jäne Yntymaq. Kelesı – Ädıldık pen Jauapkerşılık. Sondai-aq – Zaŋ jäne Tärtıp. Būdan soŋ – Eŋbekqorlyq pen Käsıbilık. Jäne – Jasampazdyq pen Jaŋaşyldyq. Būl – bızdıŋ saiasat pen ekonomikadan bastap, bılım men mädenietke deiıngı barlyq saladaǧy baǧyt-baǧdarymyz. Mūnyŋ bärı halqymyzdyŋ azamattyq bıregeilıgın nyǧaitady. Sondai-aq elımızdıŋ bolaşaq kelbetın qalyptastyrady. Assambleia jūmysyna arqau bolyp otyrǧan qaǧidalar osy qūndylyqtarmen tolyq ündesedı» dep mälımdedı Qasym-Jomart Toqaev.
Prezident Ūlttyq qūryltaidan soŋ onyŋ qorytyndysy turaly qoǧamdyq talqylaudy jıtı baqylap otyrǧanyn aitty. «Sarapşylardyŋ jäne el ısıne bei-jai qaramaityn azamattardyŋ pıkırın, ūsynystary men tılekterın oqydym. Menıŋşe, oi-pıkırdıŋ köpşılıgı Atyraudaǧy Qūryltai, şyn mänınde, ūltymyzdyŋ damuyna qatysty jaŋa filosofiia men ideologiianyŋ bastauyna ainaldy degen paiymǧa kelıp toǧysady. Degenmen Qūryltaida aitylǧan jalpyūlttyq doktrina, iaǧni tūǧyrnama jetekşı qoǧamdyq instituttardyŋ barlyǧy qoldasa ǧana tolyq jūmys ıstei alatynyn ūǧynǧan jön. Sızderdıŋ, qoǧamnyŋ qoldauy bolmasa, būl doktrina qaǧaz jüzınde qalady. Mūny mındettı türde jüzege asyruymyz kerek. Ondaǧy negızgı qaǧidattardy ornyqtyru ısınde Assambleia basty röl atqaruǧa tiıs» dedı Memleket basşysy.
Būdan bölek, Prezident balalardy ırgelı qūndylyqtarǧa süiene otyryp tärbieleuge basa män beru kerektıgın mälım ettı. «Öskeleŋ ūrpaqtyŋ dünietanymy tarihqa qatysty ökpe-renışten, dogmatizmnen jäne mädeni stereotipterden ada boluǧa tiıs. Jastarymyz ärdaiym alǧa ūmtyluy qajet. Olardyŋ dünietanymy ötkendı, bügındı jäne bolaşaqty bırtūtas ūltymyzdyŋ eş bölınbeitın ortaq mūrasy retınde emosiiasyz, saiasi astarsyz şynaiy qabyldauǧa negızdeluı öte maŋyzdy. Bız, Qazaqstan halqy, özgelerdıŋ terıs yqpalyna tüspeitın öz ideologiiamyzǧa süienuımız kerek. Bızdıŋ ideologiiamyzdyŋ tıregı – memleketımızdıŋ Täuelsızdıgı. Eŋ bastysy – dūrys söilep, jaqsy niet bıldıru ǧana emes, naqty jūmys ıstep, igılıktı ıske kün saiyn küş jūmsau. Bızge bos söz emes, naqty ıs kerek. Oqytu-tärbieleu üderısınde «Bız ärtürlımız, bıraq bärımız teŋbız», «Qazaqstannyŋ halqy bırtūtas» degen qaǧidattar körınıs tabuǧa tiıs. Būl – myzǧymas ärı berık qaǧidattar. Memlekettık saiasattyŋ basty özegı jäne jalpyūlttyq bıregeilıktı nyǧaitatyn negızgı faktor – bırlık» dedı Prezident.
Qasym-Jomart Toqaev ortaq Otanymyzdyŋ taǧdyryna janaşyrlyǧymyz bızdıŋ azamattyq sana-sezımımızdıŋ özegı bolyp qala beretının aitty. «Al ūlttyq toleranttyq, ötken zamannyŋ dästürlerıne jäne türlı mädenietke degen qūrmet, memlekettık tıldı jäne basqa da tılderdı bılu – Qazaqstan azamattaryna tän qasietter. Būdan bölek, Qazaqstan Respublikasynyŋ aspan tüstes tölqūjaty elımızdıŋ jalpyūlttyq bıregeilıgınıŋ eŋ qarapaiym ärı tüsınıktı belgısı ekenın ünemı aityp jürmın. Kök pasporty bar ärbır adam ūltyna, közqarasy men nanym-senımıne qaramastan, Qazaqstan azamatynyŋ barlyq qūqyǧyn ielenedı. Qazaqstan Respublikasynyŋ kez kelgen azamaty älemnıŋ qai tükpırınde jürse de bızdıŋ memleketımızdıŋ qorǧauynda bolady. Bız eşqaşan öz azamattarymyzdy taǧdyr tälkegınde qaldyrmaimyz. Esterıŋızde bolsa, jer jüzın koronavirus ındetı jailap, köptegen el şekarasyn tars japqanda Qazaqstan dereu öz azamattaryn jer şarynyŋ är qiyrynan elge äkeludı ūiymdastyrdy. Sondai-aq bız 2021 jyly Auǧanstandaǧy, 2023 jyly Gaza sektoryndaǧy ahual, tıptı Ukrainadaǧy jaǧdai kürt şielenıskende azamattarymyzdy ol jaqtan şūǧyl şyǧaryp aldyq. Är joly, qandai da bır elde azamattarymyzǧa qauıp tönse, bız olardyŋ Otanyna tezırek oraluy üşın jedel şaralar qabyldaimyz. Bızdıŋ kök pasportymyzǧa elımızdıŋ tūǧyry sanalatyn basty qūndylyqtardyŋ bärı syiyp tūr. Ony bükıl älem zamanaui ozyq memlekettıŋ qūjaty retınde tanidy. Qazaqstan azamattary ondaǧan memleketke vizasyz bara alady jäne bızdıŋ tabandy jūmysymyzdyŋ arqasynda mūndai elderdıŋ qatary köbeiıp keledı. Qazır Qazaqstan Älem tölqūjattary indeksınde 66-orynda tūr. Būl jaman körsetkış emes. Bıraq būl indekstı jaqsartu jūmystaryn jalǧastyra beremız. Būdan bölek, soŋǧy jyldary Qazaqstan azamattyǧynan bas tartqan adamdardyŋ sany aitarlyqtai azaidy. Kerısınşe, Qazaqstan azamattyǧyn alǧysy keledı. Osynyŋ bärı elımızdıŋ tūraqty damyp kele jatqanyn, bızdıŋ elge qyzyǧuşylyqtyŋ arta tüskenın jäne memleketımızdıŋ halyqaralyq bedelı joǧary ekenın körsetedı» dedı Memleket basşysy.
Ūlttyq qūryltaida qazır elge qauıp töndırıp tūrǧan bes keselge toqtalǧanyn tılge tiek etken Qasym-Jomart Toqaev qauıpsız qoǧamda ömır süru üşın olardan bırjola aryluymyz kerektıgın aitty. «Assambleia naşaqorlyq, qūmarpazdyq (ludomaniia), tūrmystyq zorlyq-zombylyq, vandalizm jäne ysyrapşyldyq siiaqty äleumettık keseldermen küresu ısınde maŋyzdy röl atqarady. Qauıpsız ömır süru üşın osyndai qaterlı qūbylystardan bırjola aryluymyz kerek. Būl, äsırese, ūrpaqtyŋ bolaşaǧy üşın airyqşa maŋyzdy. Bız balalar men jastardy barynşa qorǧap, dūrys tärbieleuımız qajet. Qoǧamdyq keselderdı tübırımen joiamyz desek, ortaq ıske bükıl el bolyp jūmylǧan jön. Ūltyna, dınıne, äleumettık jaǧdaiyna qaramastan, oǧan barlyǧy atsalysuy kerek. «Ūly ıster şaǧyn äreketterden bastalady». Sol siiaqty kışıgırım qadamdar auqymdy özgerısterge jol aşady. Är adamnyŋ oi-sanasy jäne mınez-qūlqy jaqsarsa, tūtas qoǧam jaqsarady. Maqsat-mūraty biık bolsa, eldıŋ ruhy da biık bolady. «Adal azamat» bolu asa maŋyzdy. Bır sözben aitsaq, keleŋsız ürdısterden jai ǧana jirenu jetkılıksız. Ony joiuǧa da belsene atsalysu kerek» dedı Prezident.
Qazaq tılı etnosaralyq tılge ainalady
Sonymen qatar Prezident bügınde jahandyq kataklizm beleŋ alyp, türlı memleketter arasynda äskeri-saiasi, sauda-ekonomikalyq teketıres, tıptı mädeni-gumanitarlyq tartys küşeiıp bara jatqanyna toqtaldy. Memleket basşysy qoǧamda ūltyna qarai erekşelenuge, oqşaulanuǧa ūmtylǧan kez kelgen äreketke, äsırese, azamattardy tılıne, ūltyna, dınıne nemese mädenietıne bola arandatuǧa, ia bolmasa kemsıtuge mülde jol bermeitın orta qalyptastyru maŋyzdy ekenın aitty.
«Radikaldy ideologiiany därıpteu jäne ksenofobiia otyn tūtatu üşın halyqaralyq tūraqsyzdyqty paidalanyp qalǧysy keletınderdıŋ äreketı anyq körınude. Keibır memleketterdıŋ geostrategiialyq ambisiiasynan etnodıni astar ızdeuge tyrysatyndardyŋ, tıptı, ony örkenietaralyq qaqtyǧys retınde körsetkısı keletınderdıŋ ünı qatty şyǧa bastady. Sonyŋ saldarynan qazır älemnıŋ är tükpırınde türlı ekstremistık küşterdıŋ belsendılıgı artyp kele jatqany baiqalyp otyr. Laŋkestık qauıp-qaterler taǧy da alǧy şepke şyqty. Taiauda Mäskeu ırgesınde jūrtty qanǧa böktırgen laŋkestık oqiǧa jüregımızge öte auyr tidı. Barşa adamzat özara dialog ornatyp, küş bırıktıru arqyly ǧana halyqaralyq qatynas salasyndaǧy küireu men ydyrau ürdısıne tötep beredı, berekesızdık pen senımsızdıktı eŋsere alady» dedı Prezident.
Tıl – köptegen memleket üşın özektı mäselenıŋ bırı dei kele Memleket basşysy osy asa şetın mäselege kelgende syrtqy-ışkı faktorlardy eskere otyryp, strategiialyq ūstamdylyq jäne toleranttyq tanytuymyz qajettıgıne toqtaldy. «Bıraq būl bızdıŋ memlekettık tıldı jan-jaqty damytuǧa basa nazar audaratynymyzdy joqqa şyǧarmaidy. Sonymen qatar memlekettık tıldıŋ damuyna airyqşa nazar audaruǧa yqpal etedı. Men qazaq tılı uaqyt öte kele etnosaralyq qatynas tılıne ainalatynyna senımdımın. Bız bırtındep osyǧan kele jatyrmyz. Bügın bız öz betınşe qazaq tılın jetık meŋgerıp, ony qoǧamda keŋınen nasihattap jürgen azamattardy marapattaimyz. Būl öte paidaly ärı saiasi tūrǧydan maŋyzdy jūmys dep oilaimyn. Memleket olardyŋ türlı jetıstıkterıne, sonyŋ ışınde saiasi sipattaǧy tabystaryna da nazar audarady jäne olardy barynşa qoldaidy. Qazaqstan – qazaq tılı memlekettık tıl sanalatyn köp tıldı el, bolaşaqta da solai bola beredı. Būl – bız üşın orasan zor basymdyq» dedı Qasym-Jomart Toqaev.
Prezident qoǧamda alauyzdyq tudyratyn kez kelgen äreketke qataŋ tosqauyl qoiu qajettıgın alǧa tartty. «Azamattarymyzdyŋ bızge qatysy joq aqparat maidanyna aralasyp, öşpendılıktı nasihattauy elımızdegı tūraqtylyqqa jäne qoǧamdyq kelısımge zor qater töndıredı. Ärqaisymyz azamattardyŋ qūqyǧy teŋ jäne erkın boluyn qamtamasyz etetın Ata Zaŋymyzdyŋ ärbır sözın būljytpai ūstanuymyz qajet. Zaŋ men tärtıptıŋ ärdaiym jäne barlyq jerde saqtaluy, zaŋ üstemdıgınıŋ sözben de, ıspen de ornyǧuy maŋyzdy. Bızdıŋ mındetımız – qoǧamda özara qūrmet pen senımdı nyǧaita tüsu. Sondai-aq dıni, aimaqtyq nemese äleumettık-ekonomikalyq alşaqtyqty boldyrmau üşın barşaǧa ortaq jaŋa qaǧidattar men ūstanymdar oilastyru. Assambleianyŋ osy kürdelı mäselege bailanysty atqaryp jatqan qyzmetı airyqşa maŋyzdy» dedı Qasym-Jomart Toqaev.
İnstitusionaldyq äleuetın nyǧaitu qajet
Prezident Assambleianyŋ institusionaldyq äleuetın nyǧaitu mäselesıne arnaiy toqtalyp, Ūiymnyŋ memlekettık organdarmen, Parlamentpen jäne mäslihattarmen qarym-qatynasyn jaqsarta tüsu kerek ekenın atap öttı. Būl rette Qasym-Jomart Toqaev Assambleia jetekşılerıne memlekettık şeşım qabyldau üderısıne jäne reformalardy ılgerıletu ısıne belsene qatysu, etno-äleumettık şielenıs oşaqtaryn anyqtau jäne ondai oqiǧalardyŋ aldyn aluǧa basa män beru, Assambleiany äleumettık tūtastyq pen otanşyldyqty därıpteitın institut retınde nyǧaitu mındetterın jüktedı.
«Assambleia memlekettık şeşım qabyldau üderısıne jäne reformalardy ılgerıletu ısıne belsene qatysuy kerek. Sondyqtan onyŋ ǧylymi-saraptamalyq äleuetın damytu qajet. Etno-äleumettık şielenıs oşaqtaryn anyqtauǧa jäne ondai oqiǧalardyŋ aldyn aluǧa basa män berıluge tiıs. Almaty, Jambyl jäne Türkıstan oblystarynyŋ mamandary etnomediasiiaǧa qatysty jūmysty qolǧa aldy. Onyŋ auqymyn keŋeitıp, būl täjıribenı Assambleianyŋ barlyq ūiymdaryna taratu qajet. Assambleiany äleumettık tūtastyq pen otanşyldyqty därıpteitın institut retınde nyǧaitu kerek. Eŋ aldymen, Aqsaqaldar keŋesı jäne Analar keŋesı siiaqty tiımdı qūrylymdardy damyta tüsken abzal. Ministrlıkter jäne äkımdıkter olardyŋ qyzmetıne qoldau körsetuı qajet. Arnaiy granttar bölıp, memlekettık äleumettık tapsyrystar beruı kerek. Jastar Assambleia qyzmetıne tyŋ serpın äkeledı. Sondyqtan Assambleia qūrylymdary men etnomädeni bırlestık basşylarynyŋ bır orynbasaryn jastardan taǧaiyndaudy ūsynamyn. Ortalyq jäne jergılıktı organdar Assambleianyŋ jastarǧa, äsırese, volonterlerge qatysty jobalaryna jan-jaqty qoldau körsetuı kerek. Mūndai jobalardyŋ tızımın jasaǧan jön» dep tapsyrdy Memleket basşysy.
Qasym-Jomart Toqaev tyŋ bastamalar men ideialar tuyndaityn komiuniti-ortalyqqa ainaluǧa tiıstıgın atap aitty. «Dostyq üilerı jalpyūlttyq yqpaldastyq üşın qajettı ortalyqqa ärı barlyq aimaqta Assambleianyŋ auqymdy bastamalaryn jüzege asyratyn senımdı orynǧa ainaldy. Olar äleumettık maŋyzy bar jüzden astam jobany ıske asyruǧa ūiytqy boldy. Alaida Dostyq üiınıŋ qyzmetın jetıldırıp, küşeite tüsu mäselesın oilastyrǧan jön. Olar qoǧamdyq kezdesuler men talqylaular ötetın jäne tyŋ bastamalar men ideialar tuyndaityn komiuniti-ortalyqqa ainaluǧa tiıs. Men būl bastamany qoldaimyn. Dostyq üiı etnomädeni bırlestıkter bas qosatyn oryn ǧana bolyp qalmauy kerek. Sonymen bırge ol jergılıktı qoǧamdastyqtardyŋ damuyna jol aşyp, tırek bolatyn, bırlık, jasampazdyq, örleu siiaqty qūndylyqtardy därıpteitın ortalyq boluy qajet» dedı Prezident.
Sonymen qatar, Memleket basşysy Assambleianyŋ 30 jyldyǧyn qūrylymnyŋ qyzmetın halyqqa tüsındırıp, nasihattauǧa jäne azamattardy el bırlıgın nyǧaitu jolyndaǧy auqymdy jūmysqa jūmyldyruǧa ūtymdy paidalanamyz dedı.
Bızdıŋ maqsatymyz – aiqyn
Memleket basşysy sözın qorytyndylai kele, elımız soŋǧy jyldary asa kürdelı synaqtardyŋ taǧy bır tarihi kezeŋın bastan ötkerıp jatqanyn aityp, bırlık pen yntymaqtyŋ arqasynda būl qiyndyqtyŋ bärın jeŋetınımızge, şynyǧyp, şirap, būrynǧydan da myqty bolyp şyǧatynymyzǧa senım bıldırdı. «Erte me, keş pe, kez kelgen memleket türlı synaqqa tap boluy mümkın. Sondai kezde el ömırınde kürdelı ärı tübegeilı betbūrys jasalady. Bız de osyndai jaŋǧyru jolymen jürıp kelemız. Syn-qaterlerge tötep berıp, qiyn sätte ūjymdasyp, şūǧyl jūmys ısteudı üirenıp jatyrmyz. Şyn mänınde, mūnyŋ bärı – baǧa jetpes täjıribe» dedı Qasym-Jomart Toqaev.
Memleket basşysy qazırgı kürdelı kezeŋde eldıŋ bırlıgı men yntymaǧyn saqtau – eŋ basty mındet ekenın tılge tiek ettı. «Bız qoǧamǧa ırıtkı salatyn ärbır äreketke tosqauyl qoiamyz. Men būryn da aitqanmyn, qazaqtyŋ memlekettıgıne qarsy keibır terıs piǧyldy adamdar qarap otyrmaidy. «Atyŋ şyqpasa, jer örte» degen. Olar qoǧam ışıne ırıtkı salu üşın äleumettık jelıde türlı qitūrqy äreketterge baratyny anyq. Bır sözben aitsaq, halyq arasynda jalǧan mälımet taratady. Sondyqtan bärımız kez kelgen aqparatqa syn közben qarap, tek resmi mälımetterge süienuımız qajet» dedı ol.
Prezident bız el bolyp barlyq biık maqsatqa bırge jetetınımızdı qadap aitty. «Tarih toǧystyrǧan taǧdyrymyz – bır, senımmen qadam basatyn keleşegımız – bır. Bız bırtūtas ūlt retınde ärdaiym babalar amanatyna adal bolamyz. Qasiettı qara şaŋyraǧymyz – Qazaqstannyŋ jarqyn bolaşaǧyn bırge jasaimyz. Bızdıŋ maqsatymyz – aiqyn, būl – Ädılettı Qazaqstandy qūru. Men Qazaqstan Respublikasynyŋ Täuelsızdıgın qorǧaudy Prezident retındegı eŋ basty mındetım dep sanaimyn» dedı Qasym-Jomart Toqaev.
Sonymen qatar Qazaqstan Respublikasy Prezidentınıŋ Jarlyǧymen halyqtar arasynda beibitşilikti, dostyq pen yntymaqtastyqty nyǧaituǧa, memlekettık tıldı damytuǧa siŋirgen eŋbegi üşin bırqatar azamatqa memlekettık nagradalar tabystaldy.
