Jastarǧa Otan aldyndaǧy paryzdyŋ parqyn jete tüsındırıp, eljandylyqqa tärbieleude «Jas sarbaz» äskeri-patriottyq qozǧalysy airyqşa atalady. Bügınde elımızdıŋ är aimaǧynda elı men jerıne adal qyzmet eter 300 myŋǧa tarta patriot ūlan ösıp keledı. Al Astanadaǧy qozǧalys 10 myŋǧa juyq jıgerlı jasty bırıktırdı.
Ötpelı şaqta köp oquşy ne ısterın, qaida bararyn bılmei jürgende, «Jas sarbaz» ūiymy olarǧa dūrys baǧyt-baǧdar berer jol nūsqauşyǧa ainalǧan. 2018 jyly qūrylǧan äskeri-patriottyq qozǧalystyŋ tiımdılıgı aiqyn, nätijesı joq emes. Negızgı ideia – mektep qabyrǧasynda jürıp-aq jasöspırımderdıŋ boiynda otanşyldyq sezımdı qalyptastyryp, patriottyq ruhta tärbie beru.
Bas qalanyŋ mektepterı men kolledjderınde «Jas sarbaz» synyptary men klubtary qūrylyp, qarqyndy türde jūmys ısteidı. Qala boiynşa tärbielenuşılerge arnaiy kuälık tabystalady. Onyŋ artyqşylyǧy da bar. Kuälık mektep bıtırgen soŋ äskeri oqu ornyna tüsuge jeŋıldık beredı. Äskeri oqu ornyna tüsemın degen balanyŋ oqu ornyna hat jıberılıp, onyŋ «Jas sarbaz» bolǧany rastalady. Qatarǧa qosylu üşın negızgı talap – bılımdı bolu. Sondai-aq oquşylar fizikalyq daiyndyqtan sürınbei ötıp, psihologiialyq tūrǧydan da şyŋdalǧan boluy şart. Iаǧni qozǧalysqa ırıkteu arqyly üzdıkter qabyldanady.
«Jas sarbaz» qozǧalysynyŋ baǧdarlamasy aluan türlı. Äskeri-patriottyq qozǧalysta jastar üşın basymdyqtyŋ bırı zamanaui tehnologiialarǧa negızdelıp, robototehnikanyŋ qyr-syryn üiretetın «Smart sarbaz» synybyna berıledı. Üiırme bolaşaq äskeri injenerlerdı, IT-mamandardy, robototehnikterdı ösıredı. Mūnda jastar, patriottyq ıs-şaralardan bölek, jaŋa innovasiialardy igerıp, özderınıŋ tehnikalyq ideialaryn ıske asyrady. Oquşylardyŋ logikalyq oilau qabıletın damytuda intellektualdy saiystar ötıp tūrady.
«Äskeri-patriottyq qozǧalystyŋ tärbielenuşılerı jylda mektep baǧdarlamasymen qatar «Jas sarbaz» äskeri-patriottyq ädıstemelık oqu kıtapşasymen bılım alady. Qazırde būl oqulyqty odan ärı jetıldırıp, är öŋır jastaryna qoljetımdı bolu üşın jūmys atqarudamyz. Qozǧalystyŋ belsendılıgın arttyru maqsatynda äleumettık jelılerdegı paraqşalardy jan-jaqty damytyp, osy arqyly körşı memleketter qyzyǧuşylyq tanytu üstınde.
Respublikanyŋ är aimaǧynda erlık sabaqtary men äskeri-patriottyq dala jiyndary ötse, elordada būl ıs-şaralar jaqynda desanttyq şabuyl brigadasynda ūiymdastyrylady, keiın üzdık jasöspırımder respublikalyq «Aibyn» jiynyna joldama alady. Biyl «Aibyn» jyl saiynǧy respublikalyq äskeri-patriottyq jastar jiyny Almaty qalasynda ötedı. Atalmyş jiynda 8 memlekettıŋ jastary baq synaidy. Memleket basşysy Qasym-Jomart Toqaev ta qatysyp, «Jas sarbaz» qozǧalysyna qoldau bıldırmek. Osylaişa öskeleŋ jas ūrpaqqa sanaly tärbie berıp, eldıŋ patrioty bolu jolynda jūmystar qarqyndy türde jüzege asady. Äsker turaly qazırde äleumettık jelıde taralǧan keibır aqparat jastardyŋ sanasyna kerı äser etetını ras. Dese de keiıngı jas buynnyŋ äskerge degen közqarasy basqa. «Jas sarbaz» tärbielenuşılerı būl salaǧa öz qalauymen baryp jür. Bauyrjan Momyşūly aitqandai: «Eşkım ışten batyr bolyp tumaidy, batyrlyq ta mınez sekıldı ösken orta, körgen tärbiege bailanysty qalyptasady». «Jas sarbaz» qatarynda tärbielenıp jatqan oquşylardan älı talai jıgerlı jas şyǧatynyna senım mol» dedı öz sözınde «Jas sarbaz» jasöspırımder äskeri-patriottyq qozǧalysy respublikalyq qoǧamdyq bırlestıgı Astana qalalyq filialynyŋ töraǧasy Ashat Nalşybek.
Äskeri-patriottyq qozǧalys qataryndaǧy qyz balalar sany ūldardan eş kem emes. Solardyŋ bırı – elordadaǧy №8 mektep-liseidıŋ 11-synyp oquşysy jäne «Jas sarbazdyŋ» tärbielenuşısı Aiaulym Ömırzaqova. Onyŋ aituynşa, būl ūiym – jastardyŋ bos uaqytyn tiımdı üilestıretın ärı äskeri ömırge daiyndaityn ülken mektep.
«Jas sarbaz» qozǧalysy ärbır jasöspırımnıŋ patriottyq sezımın arttyruǧa, balalardyŋ darynyn şyŋdauǧa baǧyttalady. Būl ūiymǧa 9-synypta qabyldandym. Osy uaqytta bız alǧaşqy äskeri daiyndyq pänın meŋgerıp, saptyq daiyndyq, avtomatty uaqytqa şaşyp-jinaudy üirendık. Äskeri ıs-şaralardan qapy qalmai, «Jas sarbaz» degen atymyzǧa laiyq boludy maqsat etemız. Jan-jaqty, är salaǧa ikemdı boluda jäne jaŋa orta tabuda osy ūiymnyŋ qosqan ülesı köp» deidı tärbielenuşı
