Beibıtşılık jäne kelısım saraiynda XVII «Şattyq-2024» balalar men jasöspırımder arasyndaǧy qalalyq baiqau jeŋımpazdarynyŋ qatysuymen «Jolymyz bır!» konsertı öttı.
«Jolymyz bır!» konsert-manifesı – būl elordalyq öskeleŋ ūrpaqtyŋ jaŋa baǧyty, jaŋa qadamy jäne elımızde bolyp jatqan oqiǧalardy qabyldauy. Baǧdarlama maqsaty – jastar boiynda adamgerşılık, otansüigıştık, ūlttyq-mädeni qūndylyqtarǧa degen sezımdı qalyptastyru, planetanyŋ tabiǧaty men resurstaryna ūqyppen qarau, qoǧamdy bırıktıru.
«Jolymyz bır!» konsert-manifesınıŋ negızgı baǧyty – ideologiia baǧytyndaǧy jūmys. Konserttegı mädeni baǧdarlamanyŋ basty qūndylyqtary – Prezidentımızdıŋ Ūlttyq qūryltaida alǧa qoiǧan tapsyrmalary – täuelsızdık pen otansüigıştık, bırlık pen yntymaq, ädıldık pen jauapkerşılık, zaŋdylyq pen käsıbilık, şyǧarmaşylyq pen jaŋaşyldyqqa ündes keluı. Memleket basşysynyŋ aituynşa, elımızdegı ärbır azamat osy basty qūndylyqtardy berık ūstanuy kerek. Prezident ūsynǧan «Adal azamat» ūǧymy mūnyŋ bärın tügel qamtidy. Sonymen bırge būl Ädılettı Qazaqstan ideiasymen ündesıp jatyr.
– Bız jasampaz halyq boluymyz qajet, ozyq oily ūlt retınde tek qana alǧa ūmtyluymyz kerek. Önımdı eŋbek etıp, sapaly bılım alyp, ortaq maqsatqa jūmyla bıluımız qajet. Sonda bolaşaǧy jarqyn, quatty memlekettı bırge qūramyz, – dedı Memleket basşysy Ūlttyq qūryltaida söilegen sözınde.
Is-şaranyŋ «Bız bırtūtas el bırlıgı berık halyqpyz» bölımınde jasampaz eŋbek pen bır şaŋyraq astyna ūlttardyŋ toptasuy, etnosaralyq toleranttylyq pen qoǧamdyq kelısımnıŋ qazaqstandyq ülgısın qalyptastyruǧa jäne bekıtuge igı yqpalyn tigızetını turaly lebızder tyŋdaldy.
«Mädeniettıŋ bastauy» bölımınde jas suretşıler balalardy ūlttyq mädeniet bastaularymen tanystyru arqyly ūlttyq bıregeilıktı saqtaudyŋ maŋyzdy aspektısı ekenın körsettı.
«Ekologiiany özıŋızdıŋ jeke missiiaŋyzǧa ainaldyryŋyz» bölımınde balalar tabiǧattyŋ sūlu körınısıne, är adam qorşaǧan älemnıŋ ajyramas qūndylyǧy ekenıne nazar audardy.
Final akkordy – «Jolymyz bır!» muzyka-horeografiia qoiylymy. Onda jas qatysuşylar bıregei körkemdık täjıribe, erekşe sahnalyq qoiylym, erekşe horeografiia nömırlerı arqyly bırlıkke, yntymaqqa, bolaşaqqa, berekege, beibıtşılıkke aparar jol bır ekenın eske saldy.
