Qazaqstandyq änşı Adam-nyŋ «Jürek» atty änı älemge tanyldy. Būl än äleumettık jelıde 5 mlrd ret tyŋdalsa, beinebaiany 55 millionnan astam qaralym jinaǧan. Türlı äleumettık jelıde neşe on myŋ qoldanuşy «Jürek» änın paidalanyp, qysqa beinebaiandar tüsırgen. Osylaişa «Jürek» änı Shazam älemdık reitingısınde 13-orynǧa şyqty. Qytaidaǧy hid-paradta būl än üşınşı orynǧa köterılgen. Adam eŋ köp tırkelgen TikTok platformasynda «Jürek» jaryp tūr.
Az uaqytta hit bolǧan ändı Aziia, Evropa, tıptı Oŋtüstık Amerika qūrlyǧyndaǧy Qytai, Koreia, Vetnam, Marokko, Albaniia, Germaniia, Ukraina, Armeniia, Fransiia… siiaqty elderdıŋ tyŋdarmandary tūşynyp tyŋdauda. Qazaq ūltyn qoiyp, Qazaqstan degen memleket baryn jaqsy bılmeitın halyqtar da «Ol men emes» dep änge basyp, qazaq änın qor, özge ūlttyŋ änın zor sanaityn qazaqstandyqtardyŋ özın ūialtyp jatyr.
Adam esımımen tanymal Faruh Tohtamuratov – Jambyl oblysy Merkı auylynyŋ tumasy. Änşınıŋ aituynşa, student kezınde Almatynyŋ ärtürlı meiramhanalarynda än aityp näpaqa tapqany bolmasa, muzykamen käsıbi türde ainalyspaǧan. Tek 2019 jyldan bastap ol öner jolyna bet būryp, orys tılınde änder şyǧarǧan. Bıraq onyŋ eşbırı hitke ainalmaǧan, qiyndyqtardan şarşaǧan ol tıptı keide muzykany mülde tastasam ba degen oiǧa da kelgen.
Änşı tuyndysynyŋ mūndai fenomenge ainalǧanyna özı de taŋqalǧanyn jiı aityp jür. «Mümkın, jürekten şyqqan än milliondardyŋ jüregıne jol tapqan şyǧar. Mūnda erekşe eşteŋe joq. Bastysy, şynaiy nietten tuǧan. Än Qazaqstanda tanymal bolsa bolar, bıraq älemdık deŋgeide tanylady dep oilaǧamyz joq. Bıraq, būl trektıŋ world shazam-ǧa, älemdık charttarǧa tüskenı ülken tosynsyi boldy» deidı ol.
Ol özın qaitpas qaisar jan dep esepteidı. Hit änderdıŋ şyǧuyna osy qasietı kömekteskenıne senımdı. «Men Qazaqstanda düniege kelgen etnikalyq özbek jıgıtımın. Äke-şeşem de, atalarym da osynda tuǧan. Sondyqtan bızdı qazaq dep sanaityndar köp, özımız de qazaq bolyp kettık. Menıŋ boiymda ekı adam ömır süredı. Bıreuı – Faruh, ekınşısı – Adam. Faruh Adam-ǧa än jazady, ony alǧa süireidı» deidı änşı.
«Jürek» qazır aǧylşyn tılıne audarylyp, älemdık sahnalarda aityla bastady. Än avtory Adam da aldaǧy uaqytta Europa men Aziiaǧa gastroldık saparǧa attanbaq. Būl – onyŋ Europaǧa tūŋǧyş gastroldık sapary. Endı änşı Gannover, Dublin, Madrid, Barselona qalalarynda än şyrqaidy. Äleumettık jelıdegı derek boiynşa, änşınıŋ hit änı Evropa+ chartyna qosylǧan, osylaişa 67 elde qazaqtyŋ «Jürek» änı şyrqaluda.
Jalǧyz «jürek» qana emes, qazaqtyŋ basqa änderı de äleumettık jelıde jiı aitylatyn änder qatarynan körınıp jür. Dimaş Qūdaibergen älemdık sahnalarda än salǧannan keiın, özge ūlt tılıne audarylyp, şyrqalyp jürgen qazaq änderı de az emes. Būryn būl qatarda «Dudar-ai», «Qairan jalǧan», «Qarlyǧaş», «Jelsız tünde jaryq ai» änderı atalsa, Dimaştyŋ oryndauynan keiın «Däididau» bükıl älemge tanymal änge ainaldy. Irgemızdegı körşı el Qytaida Dimaştyŋ önerıne täntı bolǧan janküierlerınıŋ arasynda qazaq tılın üirenıp, qazaq änderın aitatyn jastar köbeidı. Sonyŋ bırı – 宅叔五毛 (öz aty Tian Luvan). Onyŋ repertuarynda qazaqşa oryndaǧan qazaq tılındegı änderdıŋ sany 20-ǧa juyqtady. «Oi, jeŋgem», «Sen maǧan massyŋ» siiaqty änderın qytai tyŋdarmandaryna osy jıgıt tanymal ettı. Al Qytaidyŋ Tibet öŋırındegı toilar «Mūzart» tobynyŋ «Farida» änısız ötpeitınıne de bıraz uaqyt boldy. «Sen maǧan massyŋ» demekşı, Rahymjan Jaqaiymnyŋ «Sen maǧan massyŋ» änı men qazaqstandyq duet Tanir men Tyomcha «Da Da Da» tregı de Aziia aumaǧynda hitke ainalǧan.
Halqymyzda mazmūn, mänerı, dybystyq boiauy jaǧynan «Jürek»-tı jetı oraityn änder barşylyq. Bıraq sonyŋ köbınıŋ älı baǧy aşylmai jatyr.
