Astana qalasy Qoǧamdyq keŋesınıŋ otyrysynda elordanyŋ 2024-2026 jyldarǧa arnalǧan biudjetı naqtylandy. Qūjatqa engen özgerıstermen qalalyq Ekonomika jäne biudjettık josparlau basqarmasynyŋ basşysy Qaisar Maŋqaraev tanystyrdy.
Kırısterge toqtalǧan baiandamaşy tüsımder jospary ūlǧaiǧanyn, sonyŋ ışınde salyqtyq jäne salyqtyq emes tüsımder, negızgı kapitaldy satudan tüsetın tüsımder jospary köbeigenın atap öttı. Al şyǧystar qalanyŋ basqarmalary men departamentterı, qala audandary arasynda bölındı.
Atap aitqanda, Jūmyspen qamtu jäne äleumettık qorǧau basqarmasyna merekelık tölemderge, järdemaqy aluşylar sanynyŋ ūlǧaiuyna jäne AEK aiyrmaşylyǧyna bailanysty, mügedektıgı bar adamdardyŋ ömır süru sapasyn jaqsartuǧa jäne äleumettık qoldauǧa, 2400 adamǧa üide körsetıletın äleumettık qyzmetterge 5 mlrd 595,2 mln teŋge somasynda qarajat közdelgen.
Bılım basqarmasyna oqulyqtardy satyp aluǧa jäne jetkızuge, orta bılım beru memlekettık ūiymdarynda jan basyna şaqqandaǧy qarjylandyrudy ıske asyruǧa, 24 balabaqşany aǧymdaǧy jöndeuge, vedomstvolyq baǧynysty memlekettık mekemeler men ūiymdardyŋ kürdelı şyǧystaryna 4 mlrd 792,8 mln teŋge somasynda qosymşa qarjy qarastyryldy.
Mädeniet basqarmasyna memlekettık şyǧarmaşylyq tapsyrysty ıske asyruǧa, «Saltanat qaqpasy» monumentın ūstauǧa (aumaqty jinau, mülıktı qorǧau, beinebaqylau, «Älem qabyrǧasy» monumentındegı LED ekranyna tehnikalyq qyzmet körsetu), vedomstvolyq baǧynysty memlekettık mekemeler men mädeniet ūiymdarynyŋ kürdelı şyǧystaryna qosymşa 1 mlrd 984 mln teŋge közdeldı.
Dene şynyqtyru jäne sport basqarmasyna respublikalyq jäne halyqaralyq sport jarystaryna türlı sport türlerı boiynşa qūrama komandalar müşelerın daiarlauǧa jäne qatysuǧa, jan basyna şaqqandaǧy qarjylandyru boiynşa memlekettık äleumettık tapsyrysqa, jasöspırımder sport mektepterı üşın jabdyqtar satyp aluǧa, mümkındıgı şekteulı jandarǧa arnalǧan «Elorda» sport klubynyŋ kürdelı şyǧystaryna 3 mlrd 667 mln teŋge somasynda qosymşa qarajat qarastyryldy.
Tılderdı damytu jäne arhiv ısı basqarmasyna memlekettık tıldı jäne Qazaqstan halqynyŋ basqa da tılderın damytuǧa qosymşa 103 mln teŋge bölındı.
Kölık jäne jol-kölık infraqūrylymyn damytu basqarmasyna kölık infraqūrylymyn damytuǧa, qoǧamdyq kölık tasymaldauşylarynyŋ şyǧystaryn subsidiialauǧa qosymşa 25 mlrd teŋge qarastyryldy.
Kommunaldyq şaruaşylyq basqarmasyna «ElordaEcoSystem» kompaniiasyna nöser kärızın ūstauǧa, tazartuǧa, «Astana Su Arnasy» mekemesıne atmosferalyq jer üstı aǧyndaryn aǧyzuǧa jäne tazartuǧa, sumen jabdyqtau jäne su būru jüiesın damytuǧa, nöser kärızın damytuǧa qosymşa 14 mlrd 254 mln teŋge közdeldı.
Energetika basqarmasyna jylu-energetikalyq jüiesı men gaz tasymaldau jüiesın damytuǧa qosymşa 2 mlrd 117 mln teŋge bölındı.
Qūrylys basqarmasyna qalany abattandyrudy damytuǧa, injenerlık-kommunikasiialyq infraqūrylymdy jobalauǧa, damytuǧa jäne jailastyruǧa, bılım beru jäne densaulyq saqtau nysandaryn saluǧa jäne rekonstruksiialauǧa, halyqtyŋ äleumettık osal toptaryna päter satyp aluǧa qosymşa 11 mlrd 823 mln teŋge qarastyryldy.
Qorşaǧan ortany qorǧau jäne tabiǧatty paidalanu basqarmasyna qalany abattandyrudy damytuǧa, «Astana kögaldandyru qūrylysy» JŞS üşın 39 bırlık suaru-juǧyş maşinalar men 50 bırlık arnaiy tehnika satyp aluǧa qosymşa 9 mlrd 506 mln teŋge közdeldı.
Tūrǧyn üi jäne tūrǧyn üi inspeksiiasy basqarmasyna bılım beru nysandaryn, jol-kölık infraqūrylymyn saluǧa, skverler qūrylysy jäne özen arnasyn rekonstruksiialauǧa, köppäterlı tūrǧyn üi keşenderın jäne basqa da nysandardy salu üşın jer telımderın satyp aluǧa qosymşa 2 mlrd 467,3 mln teŋge bölındı.
Säulet, qala qūrylysy jäne jer qatynastary basqarmasyna eldı mekenderde qūrylys saludyŋ bas josparlaryn äzırleuge qosymşa 500,0 mln teŋge qarastyryldy.
Almaty audany äkımı apparatyna eldı mekenderdıŋ sanitariiasyn qamtamasyz etuge, jasyl jelekterdı aǧymdaǧy kütıp ūstauǧa, abattandyru elementterın jöndeuge, aulalardy abattandyruǧa (Senator, Qazanat-2) qosymşa 6 mlrd 370 mln teŋge közdeldı.
Baiqoŋyr audany äkımı apparatyna köşe jaryǧyn, oramışılık jäne saiabaq jaryǧyn aǧymdaǧy kütıp ūstauǧa, sändık jaryqtandyrudy kütıp ūstauǧa, eldı mekenderdıŋ sanitariiasyn qamtamasyz etuge, qoǧamdyq keŋıstıkterdı aǧymdaǧy jöndeu men jailastyruǧa; jasyl jelekterdı aǧymdaǧy kütıp ūstauǧa jäne basqa jūmystarǧa qosymşa 4 mlrd 692 mln teŋge bölındı.
Esıl audany äkımı apparatyna osyndai jūmystarǧa qosymşa 8 mlrd 950 mln teŋge, Nūra audany äkımı apparatyna qosymşa 3 mlrd 300 mln teŋge jäne Saryarqa audany äkımı apparatyna qosymşa 2 mlrd 595 mln teŋge qarastyryldy.
Polisiia departamentıne eŋbekaqy töleu qoryna jäne attestattalǧan qūramǧa tūrǧyn üi tölemderıne qosymşa 2 mlrd 285,6 mln teŋge közdeldı.
İnvestisiialar jäne käsıpkerlıktı damytu basqarmasyna investisiialyq qyzmettı damytudy qamtamasyz etu (ştat sanyn ūlǧaitu jäne mülıktı (kökönıs qoimasy) balansqa qabyldau) jönındegı qyzmetterge, şaǧyn jäne orta biznes subektılerınıŋ nesielerı boiynşa paiyzdyq mölşerlemenı subsidiialauǧa, «Astana-Tazalyq» JŞS jäne «Astana kögaldandyru qūrylysy» JŞS üşın arnaiy tehnika satyp alu üşın lizing boiynşa mındettemelerdı öteuge qosymşa 2 mlrd 594 mln teŋge bölındı.
Sifrlandyru jäne memlekettık qyzmetter basqarmasyna «Fotobeinetırkeu jäne beinetaldau apparattyq-baǧdarlamalyq keşenın qūru jäne paidalanu» memlekettık-jekemenşık ärıptestık jobasyna (Sergek) qosymşa 1 mlrd 605 mln teŋge qarastyryldy.
Baiandamaşy öz sözınde halyqtyŋ äleumettık osal toptary üşın 1500 päter satyp aluǧa 24 719 780 myŋ teŋge somasyna memlekettık baǧaly qaǧazdar şyǧaru jüzege asyrylatynyn jetkızdı. Engızıletın özgerısterdıŋ esebınen Astana qalasynyŋ 2024 jylǧa arnalǧan naqtylanǧan biudjetınıŋ jalpy kölemı 1 trln 165 mlrd 548 mln teŋgenı qūraitynyn aitty.
