Jasyratyny joq, jaŋbyrly kezderı elordanyŋ ortalyq köşelerı suǧa tolyp ketedı. Eger köktemgı qarǧyn suǧa daiyndyqty küşeitpese, su alǧannyŋ kökesın sonda köremız. Astana qalasynyŋ Tötenşe jaǧdailardyŋ aldyn alu basqarmasyna habarlasyp, su tasqynyna qarsy şaralar turaly bıldık.
– 2023 jyldyŋ qyrküiegınde elordanyŋ su tasqyny qaupı bar uchaskelerı komissiiamen tekserılıp, 20 uchaske boiynşa audan äkımderıne kanaldardy tazalau, aryq-naua jüiesın ornatu turaly ūsynym berıldı. Tötenşe jaǧdai jönındegı komissiiada daiyndyq jūmystary pysyqtalyp, jauapty memlekettık mekemelerge ıske sergek qarau tapsyryldy. Qaŋtar aiynda su tasqynyna qarsy ıs-şaralar ailyǧy bastaldy, tūrǧyndarǧa tüsındıru jūmystary ıske asyp, yqtimal qauıptı uchaskelerde 86 reid jürgızıldı, – dedı basqarma bastyǧy.
Soltüstık öŋırlerde toŋ bır metrge deiın qatqandyqtan, köktemde erıgen qar jerge sıŋuı qiyn. Onyŋ üstıne, Astana jazyqta ornalasqandyqtan, jinalǧan su aǧyp ketuı qiyn. Oǧan qosa jerasty suy jer betıne jaqyn jatyr. Osynyŋ äserınen jauyn-şaşyn kezınde kölkıgen su tez sıŋıp ketpeidı. Qysta qalyŋ tüsken qardy tazalap ülgermese, qarǧyn sudyŋ alyp ketuı mümkın. Sondyqtan kommunaldyq qyzmet salasyndaǧylar köşelerden bölek, köp qabatty tūrǧyn üi aumaǧyndaǧy qardy tezdetıp tazalaǧany dūrys.
Bügınde kommunaldyq qyzmetter qaladan 5,7 million tekşe metrden astam qar şyǧardy. Qar tazalau jūmysy qarqyn aldy. Mäselen, 33 myŋnan astam metr aryq-naua jelısı, 2360 metr kollektorlar, 1087 dana jaŋbyr qabyldau qūdyqtary tazartyldy
– Bügınde kommunaldyq qyzmetter qaladan 5,7 million tekşe metrden astam qar şyǧardy. Qar tazalau jūmysy qarqyn aldy. Mäselen, 33 myŋnan astam metrı aryq-naua jelısı, 2360 metrı kollektorlar, 1087 dana jaŋbyr qabyldau qūdyqtary tazartyldy. «Astana-Tazalyq» bazasynda kölemı 2,5 myŋ tekşe metr qūm jäne aǧaş qory daiyndaldy. Taǧy 11 myŋ tekşe metr inerttı materialdardy jetkızuge kelısımşart bar. Tötenşe jaǧdai oryn alǧan jaǧdaida azyq-tülık pen janar-jaǧarmai jetkızuge 12 memorandum jasaldy, – dedı Baqytjan Maulenberdiev.
Eger tötenşe jaǧdai oryn alsa, halyqty uaqytşa qabyldaityn 2260 oryndy 7 qonaq üimen memorandum jasaldy jäne zardap şekken halyqty qabyldaityn 16 punktı daiyndalypty.
– Astana qalasy äkımınıŋ orynbasary Ersın Ötebaev jauapty memlekettık organdarǧa hattamalyq tapsyrma berdı. Su tasqyny qūbylystaryna uaqtyly den qoiu maqsatynda jeke qūramnyŋ 586 adamynan, 156 bırlık tehnikadan, 65 motopompadan tūratyn azamattyq qorǧau qyzmetterınıŋ jalpy toby qūryldy, – dedı spiker.
Kei jyldary aua raiynyŋ özı qarailasyp, köktem ailarynda su tasqyny oryn almaidy. Al nauryz, säuır aiy jaŋbyrly bolsa, onda qarmen qosylǧan sudan qauıp kütuge bolady. «Qazgidromet» boljamynşa, köktemnıŋ alǧaşqy ekı aiynda täulıgıne bır ailyq jauyn-şaşyn mölşerı tüsuı mümkın. Mūndai jaǧdaida kölder men özenderden bölek, oi-şūŋqyr men sai-sala suǧa tolyp, halyq qiyndyqpen betpe-bet keledı. «Qazgidromettıŋ» gidrologiialyq habarlauyna säikes, Astana su qoimasyna köktemgı su tasqyny aǧynynyŋ kütıletın kölemı normadan joǧary.
– Jeke sektordyŋ tūrǧyndary üidıŋ aumaǧynan qardy jol jiegıne şyǧaryp, üiden aǧyndy sularǧa nemese su ötkızgış qūbyrlarǧa su būrǧyştar ornatuy kerek. Eger aulany su basqan jaǧdaida 109 nömırı boiynşa «Ikomek» Qalalyq monitoring jäne jedel den qoiu ortalyǧyna, 112 nömırı boiynşa qūtqaru qyzmetıne şūǧyl habarlaudy sūraimyz, – dedı salaǧa jauapty basşy Baqytjan Maulenberdiev.
