Baiqoŋyrdan köterılgen talai ǧaryş kemesı jerge oralǧanda, Aqmola oblysynyŋ aimaǧyna qonatyn. Sol sätte ǧaryşkerler jergılıktı halyqtyŋ ystyq yqylasyna bölenıp, Selinogradta qonaq bolyp, şaruaşylyqtardy aralaityn.
Ǧaryş älemıne üş ret baryp qaitqan KSRO ūşqyş-ǧaryşkerı, ekı märte Keŋes Odaǧynyŋ Batyry, polkovnik Viktor Vasilevich Gorbatko selinogradtyqtarmen 1971 jyly 28 qaŋtarda kezdestı. Tyŋ öŋırıne onymen bırge VLKSM Ortalyq Komitetınıŋ ekınşı hatşysy B.Pastuhov, Qazaqstan LKSM Ortalyq Komitetınıŋ bırınşı hatşysy Z.Kamalidenov keldı.
Qonaqtardy Selinograd oblystyq partiia komitetınıŋ bırınşı hatşysy Nikolai Efimovich Kruchina qarsy aldy. Ol äŋgıme üstınde qonaqtarǧa oblystyŋ halyq şaruaşylyǧyn örkendetudegı tabysy jönınde aityp, aldaǧy uaqytta Esıl öŋırınde önerkäsıp pen auyl şaruaşylyǧyn damytudyŋ josparymen tanystyrdy. Meimandar būdan soŋ Tyŋ igeruşıler saraiyn köruge keldı. Olar ondaǧy qūrmettı qonaqtar kıtabyna mynadai jazu qaldyrdy: «Qymbatty dostar, būl sarai tyŋ igeruşılerdıŋ tamaşa eŋbegın atap ötuge laiyq eken. Jaŋa tabysqa jete beruıŋızge, qyzyqty kezdesuler ötkızıp, saraiyŋyzdy än-küi oşaǧyna ainaldyra beruıŋızge tılektespız!».
Būdan soŋ qonaqtar Selinogradtyŋ körnektı jerlerımen, sol kezde salynyp jatqan Jastar saraiynyŋ qūrylysymen tanysty, «Selinogradselmaş», «Kazahselmaş», keramika kombinaty jūmysşylarymen jüzdestı.
Surette ǧaryşker Viktor Vasilevich Gorbatkonyŋ Selinograd qalasyndaǧy «Berezka» balabaqşasyna kelgen sätı. 1971 jyl.
Ǧaziza İSAHAN
