Astanada azamattardyŋ qarjylyq sauatyn arttyru maqsatynda «Qaryzsyz qoǧam» jobasy jüzege asyp jatyr. Joba aiasynda sarapşylar biyl 9 myŋǧa juyq adamdy oqytudy josparlap otyr, dep habarlaidy astana-akshamy.kz
Kursqa kez kelgen adam onlain tırkele alady. Qazaqstandyqtarǧa kurstan ötu barynşa yŋǧaily boluy üşın Qogamfin.kz arnaiy bılım beru platformasy äzırlengen.
Qogamfin.kz saityna kırıp, «Kursqa qatysu» degen batyrmany basuy qajet. Jobaǧa qatysuǧa niettı azamattar bırneşe sūraqqa jauap beredı. Aty-jönı, bailanys nomerı, tūrǧylyqty jerı, äleumettık märtebesı men jalaqysyn jäne nesie mölşerın körsetuı tiıs. Saualnama sūraqtaryna jauap joldanǧannan keiın jobanyŋ jetekşılerı habarlasyp, kurs ötetın oryn men basqa da aqparattardy ūsynady.
«Qaryzsyz qoǧam» jobasy boiynşa, elordada bır uaqytta 5 orynda trening ūiymdastyrylǧan. Ärqaisynda şamamen 50 adam bılım alady. Kurstyŋ ūzaqtyǧy 5 kün, qazaq jäne orys tılderın taŋdau mümkındıgı qarastyrylǧan.
Joba mentorlarynyŋ bırı Rauan Erǧalievtıŋ aituynşa, 5 kündık bekıtılgen ortaq baǧdarlama bar.
«Alaida kurstyŋ alǧaşqy sabaǧynda auditoriianyŋ qajettılıgı men sūranysyn anyqtau maqsatynda mındettı türde qandai taqyryptardyŋ qamtylǧanyn qalaitynyn anyqtaimyz. Kurs bekıtılgen taqyryptar boiynşa ötkenımen, qatysuşylaryŋ sūranystary men oi-pıkırlerı eskerılıp, olardyŋ sūraqtaryna jauap beremız», – dedı ol.
Kurs baǧdarlamasy qarapaiym taqyryptan bastalyp, kürdelıge köşedı. Mäselen alǧaşqy künı otbasy biudjetın josparlau jäne basqaru, qolda bar aqşany ünemdeu jäne köbeitu joldary, nesie jäne onyŋ türlerı, paiyzdy esepteu formulasy, depozitter turaly aityldy. Keiın investisiia, bankrottyq, Qazaqstannyŋ qor birjasy, aksiia men obligasiialar, brokerlık kompaniialar men olardyŋ jūmysy jaily taqyryptarǧa köşedı.
Jobanyŋ taǧy bır artyqşylyǧy bır jyl boiy zaŋgerlerden tegın konsultasiia ala alady. Mamandar bankpen nemese basqa da qarjylyq ūiymdarmen jasalǧan kelısımşarttar boiynşa nemese qūzyrly organdarǧa joldanatyn qūjattardy sauatty toltyruǧa, jalpy qarjy mäselesıne qatysty jasalatyn ärbır qadamyna kömektese alady.
